السلام عليكم . ممكن نصيحه . 2024.

السلام عليكم ورحمة الله و بركاته …
و الله ما عرف من وين ابدى الصراحه انا وايد مضايقه و طبعا ً شو ما اشتكيت لحد من اللي عندي ما بيسون لي شي …
انا ملجت من شهر اا / 2024 و اللي خذته مب من الاهل و الله يشهد ع كلامي ان امي من بيزات المهر ما عطتني شي اتشرى للزهبة و لا اخذ لي ذهب شرات اي عروس و كل هو اللي عطاني اياه … ما كان حاب يطول بالملجه كملت لحد الحين وانا بعدني بالملجه و حددنا التاريخ بس اهلي رفضوا و انا عشان خاطر امي وافقت قلنا شهر (5) ما طاعت و قلنا 6 و 7 ما طاعت و قالت بما ان شهر 8 رمضان و عقبه العيد خلوه 10 و نحن وافقنا عشانها و عشان ما نسوي المشاكل و الحساسيات من بينهم و خلينا العرس بشهر 10/10/2010 و صار الموقف ان اخو مرت خالها توفي بشهر 5 و قالت بنأجل العرس و انا اتجادلت معاها و عقبها بنت خالتها تعبت لازم اتسافر و تسوي العملية قالت لازم انأجل لان العملية صعبه و عمتها توفت من اسبوع و تقول و تحن تبي اتأجل و انا رفضت بس اللي خذته قال لي انتي لا تتدخلين بالموضوع و اي شي يقولون لج قولي كلموه لا يكلمونج انتي و انا قلت له اوكيه …
المهم طلعاتي معاه اهلي ما يرضون اني اطلعها الا حد معانا و ليش ها كله من كلام الناس و تبي اتاجل العرس اقولها ليش اتقول كلام الناس و انا مب قادره الصراحه وايد مضايقه و احس عمري مب جرئية خير شر ابي اكون جرئية و اوقفهم بس مب قادرة احس في شي يمنعني مب عارفة شسوي و ريلي قال لو امج حنت و قالت تبي اتاجل قال لي بيي باخذج من عندهم و بسير غير هذا ما عندي و انا اموافقه باللي يقوله لاني ما استفدت من اهلي شي الصراحه كل يوم اتصير لي مشكله معاهم …

ساعدوني و الله مب عارفة شسوي ابي اكون جريئة خلاص تعبت نفسيتي تعبت من كثر ما افكر احس ان هاليوم ما بيي ما بيعدي احس بضيق و الله دخيلكم خبروني شسوي ما بي شي من الدنيا غيره حتى لو ايي عندنا البيت ما انكون ارواحنا يلسون و يراقبونا و هو يشوف انهم يشووفون بس يسكت عشاني ما يقول شي شسوي و الله اني مستحيه منه …

السموحه بس ابي نصيحه دخيلكم

الغالية الله يفرحج ويفرج مافيج من هم وحزن
بس سامحيني مافهمت السالفة عدل من الواقف في وجهك ومانع المهر ويأجل العرس ؟؟
واخيرا الامر قسمة ونصيب عليج بصلاة الاستخارة وربج يسر لج الأمر

السالفه ان اهلي اللي هي بالاخص امي بكل دقه تبي اتأجل العرس ما عطتني من بيزات المهر شي عشان اخذ لي للزهبه و ذهب ولا شي كل البيزات عندها و بكل شي يدخلون بطلعاتنا و بقعدتنا مع بعض يراقبونا

ليش العرس يتأجل

ربيعتي يدتها توفت ما اجلت العرس تقول لو ما عرست اليوم بعرس باجر ليش التأجيل

صح هو الواحد يكون زعلان و متضايق بس حاجزة كل شي و احس مب حلوة التأجيل توكلوا ع الله

و خبري اهلج مب عيب مب حالة يراقبونج وانتي اظني كبيرة مب صغيرة

و البيزات من حقج سيري رمسي امج قولي مب حالة الكل يعيب علي لاني ما اشتريت شي و حاولي معاها قولي اي عروس ماجلة تظهر تشتر لها للزهبة و تاخذ لها ذهب

تعبت و انا ارمس كل ما قلت شي اتقول يعني شو انا بحطي البيزات بجيبي ترى لعرسج مليت من كل شي و الله

لا تعليق