السلام عليكم ورحمة الله تعالى وبركاته 2024.

الكل منا يتعرض لمشاكل والكل يدور على حلول لها فيه اللي تقدر تلاقي حد قريب منها وتطلب منه المساعدة ,,, وفي اللي ما تثق في حد فتلجأ للمنتدى وتطلع اللي بخاطرها على الله تلاقي حل او بصيص نور وأمل للتعامل مع مشكلتها

بس وين المشكلة الحين

المشكلة ان بعض البنات يستخفون بعقولنا ويستهزأون بنا وكل من هب ودب يختلق مشاكل وهمية ويحطها او يطرح مشكلة من العنوان نتحراها مشكلة مالها حل وبالاخير تطلع شي تافه ولا يجوز التعامل معه اصلا

لهالدرجة المنتدى بالنسبة للبعض مكان للاستهزاء والتنكيت والضحك على العضوات والادارة

ليش البنات ما يكبرن عقولهن ,,, يا جماعة الخير اذا كان اللي يكتب مجنون فاللي يقرأ اكيد عاقل

ليش تفكرون ان المنتدى كله ناس ما يفكرن ,,, مع الشي الكل معه او ضد الشيء الكل ضده

فيه ناس تفكر وذكية والمنتدى فيه ماشاء الله بنات ذكيات ويلقطونها

رجاء لا تستخفون بنا

المكان لطرح مشاكل فعلا تكون محتاجة لحل

مش مشاكل اقل ما يمكن القول عنها انها تافهة وعيب اصلا ننزلها

( اللي ربيعتها تبا تسير الحمام ,,, واللي قطوتها ماتت ,,,, واللي ما ادري شو فيها )

والله عيب والله

لا تنسون ان المنتدى يدخلونه زوار ويشوفون تفاهات البعض

شو بيقولوا عنا وكيف بيقيمون المنتدى اذا اعضاءه مستهترين به

كبروا عقولكن يا بنات

والله ما يسوى جيه

نحن نحاول نسوي اي شي عشان نرتقي بالمنتدى ونوصله للمراتب الاولى بين المنتديات مش غرضنا من الانضمام له اننا نخسف به الارض

قيموا وحددوا نوعية مشاكلكم

القسم هذا مب حق مواضيع تافهة اوسوالف ما لها معنى

في ناس عندها مشاكل الله يعلم بها ويوم يشوفون مشاكلكم اللي ما لها اساس من الصحة او ما لها معنى اكيد ما بيقدرن ينزلن شي

بيقولون وين العقليات اللي راح نخاطبها عشان نلاقي حل للمشكلة

اترجاكم بنات

خلونا دائما نطبق هالمبدأ

نلتقي لنرتقي

اتمنى محد يزعل على اللي كتبته بس صدق مهزلة اللي صرنا نشوف