كيفكم؟؟؟؟؟؟؟
اخواتي والله احبكم مره…
عمري21
عندي مشكله انو ماعندي ثقة بنفسي مع انه عندي كل شئ وحلوه وكامله والكمال لله……..
كنت دبه وصرت ضعيفة….
كنت سمره وفتح لوني….
جالسه احاول اثقف نفسي قد مااقدر واهتم بنفسي………..
(اذا احد قالي صرتي دبه اضايق على طول,,,,,,,, اي كلمه تزعجني …)
نفسي يكون عندي ثقة كبيره في نفسي…….. ( وعلى فكره كلمه توديني وكلمه تجيبني ) ودي يكون عندي راي الشخصي ولي مااغيره مهما صار……..
اش اسوي………..
هاذي المشكله الاولى………..
اما ثانيا عندي خجل مره مع اني في البيت مرحه وسوالفي حلوه بس لاخرجت اسكت واستحي مره…..كنت وان في متوسط وثانوي تمر ايام وانا ساكته … بس الحين صار عمري 21 وانفكت العقده بس موكلها……….. احاول اثقف نفسي ودي اتغير……….
الله يخليكم ساعدوني ودي الكل ينصحني مااحديمر الا وهو معطيني حل…………..
تتوقعون من صغري وعلى حسب نربيتي مع العلم انو احنا 6 اخوان 4بنات و3 عيال وخواتي 3 متزوجات والعيال لا ……… ونوعا ما دلوعة اهلي
الله يسعدكم
موضوع السواقة سألتج عنه لأنه السواقة اتغير في شخصية الشخص بطريقة ما تتصورينها وهالكلام ما اقولج اياه مني والدرب لأني مجربتنه مع نفسي ولاحظته على غيري لأني كنت نفسج واستحي لكن من بعد سواقتي للسياره واعتمادي واعتماد اهلي علي شكلت شخصيتي.. في البداية بتستحين حتى تطلعين واتخلصين شغلج بنفسج لكن عقب بيستوي ويهج لوووووح لووول…….
واذا على موضوع الحساسية وزعلج السريع فيستسحسن انج تاخذين هالنكت او اذا قالولج دبه بروح رياضية لأنه زعلج ما بيفيدج انتي بالذات..الناس اتفر كلمة وما يهمها ولا تتأثر منها لكن انتي اللي بتسببين لنفسج أزمة نفسية وبتقل ثقتج في نفسج فأحسن شي أنج تاخذين السوالف بطريقة المزح لأنه اللي روحه رياضية يكون عقله كبير ويعرف كيف يتعامل مع الناس ويوم تتزوجين ان شالله بتعرفين كيف تتعاملين مع ريلج واذا قطعج بتعرفين كيف تجلبين الموضوع مزح بدال ما يكون نكد..
والله يوفقج
احنا مانسوق عندنا…(بس الرجال يسوقون)…….
ودرست حاسب الالي سنتان في معهد وتخرجت بتقدير امتياز,وشتغلت في مدرسه خاصه على الحاسب (كاتبه)
كلامك روعه
خذي من نفسج وعد بالتغير عن طريق الكتابة وخلي الورقة شاهدة على تغيرج ……..
انا عن نفسي اتبع هذي الطريقة من سنين …
للاسف انا نفسج ماعندي ثقه بنفسي ولا اقدر اخذ قراراتي بنفسي لازم مشاورات واتاثر براي الاخرين بس انا اخذ معظم الامور بروح رياضيه ما ازعل بسرعه
مع اني متزوجه وعندي عيال وانا اكبر منج عمري باخر العشرين وعندي رخصة سواقه وسقت تقريبا سنتين واشتغلت فتره بس بعدني ما عندي ثقة بنفسي
ياليت اقدر احل مشكلتي وياج عن طريق نصائح الخوات
اول شي احب اقوول لج العمر كله ان شاء الله…
والصراحه مشكلة الحياء الزايد انا كانت عندي بعد.. بس الحين شوووي تغيرت.. للافضل والاحسن… عن طريق مخالطة الاهل… واظهر مع امي.. وحااول مثلا اذا قعدت مع بنات اسوولف واضحك.. وجي… ومن النت اتعرفت على بنات.. وحاولت انتي ما استحي يوم اتعامل معاهم…
اما بالنسبة للحساسية الزايده… انا هم كانت فيني هالخصل يوم كنت صغيرة.. وايد متشابهين..ههه..
الصراحه يوم كانوا يقولون كلمة بس قصدهم المزح.. كن على طوول اصيح والدمووع تنزل…
بس الحمدالله تخلصت من هالامر… واتقبل المزح منهم حتى اني اتمصخر معاهم مرات..
وان شاء الله انتي بعد تتغيرين..
^_^