ولدي بيدش 6 شهور و محتاره بشو ابتدي له سيريلاك عيش و لاشو
ومشكورين
هلا حبيبتي
تقدرين تنوعين له بين السيريلاك والفواكه والخضار
انا بديت مع الخضار( يفضل تبدين بالخضار )…كنت اعطي بنتي جزر مهروس لمده 3 ايام عشان اعرف اذا تحسس منه ولا لا..وبعدها كوسا وبعدها جزر وكوسا مع بعض..وبعدها البطاطا واكتشفت انها ما تحب البطاطس ولا البطاطا الحلوة(الفندال)…وكنت اعطيها سيريلاك بالعيش….شوربه…كاستر… والفواكه بعد كنت اعطيها كل نوع لمده 3 ايام ومرات اعطيها جبن كيري بس ما كنت اكثر لها منه…
وهذا رابط تجمع للماميز…ان شاء الله بتستفيدين منه
ان شاء الله حد يفيدج اختي"
انا ولدي اكتشفت انه يحب السبانخ الله يحفظه فاحطله سبانخ مع العيش وذرة ماجي عشان الطعم بس
ومرات شوفان مع البطاطا
واحين عقب ما كمل السادس زدت له معكرونة ودياي وزهرة
وكل مرة بغير له الطعم
افضل تعطينه اشياء طبيعية طازة بدل المعلبات والقواطي
بس في حال اضطريتي وكنتي مستعيلة عطيه سيريلاك عيش اول اسبوعين عقب جربي معاه القمح
انا ولدي في البداية ما استساغ السيريلاك عقب مرة ومرتين تقبله
حاولي تعطينه عصير جزر شويه او عصير تفاح يعني كميات بسيطة في العصرونية او الصبح
طعبا كل هالاشياء حاليا بكميات بسيط اذا تقبلها وكان يوعان زيدي شوي شوي
والله يحفظ لنا عيالها ويعطيهم الصحة والعافية
ان شاءالله اكون فدج عندي روابط غيرها بطرشها لج عقب علخاص او علعام
