الحينه وزني 123 ونفسيتي تعبانه وايد يعني متعقده يوم اييي اسوي رجيم ما اقدر امسك عمري عن الاكل وخاصة اذا شي اكله احبها وااايد يعني اقول بسوي رجيم بس اشوف عمري ما اقدر امسك عمري عمري 24 ومتزوجه وريلي مرات يعلق عليه وحتى اهلي هذيل من يوم كنت على ايام المدرسه ندمت ألحينه اني ما سويت رجيم يعني ابى البس مثل الناي اتخيلوا يوم اروح السوق ما احصل بيجامة نوم قدي اجوف وحده حلو بس القياس ماشي والله معاناه
وألحينه فكرت اسوي قص معده او تحويل معده رحت مستشفى النور قالولي العمليه الربط 25 والقص 48 والتحويل 55 يعني انا لو عندي هالمبالغ جان سويتها وتميت ادور في اخت موجوده في المنتدى عندكم اسمها شمة حمد اعتقد امسويه عملية قص في مستشفى التووام بالعين
خواتي ابى مشورتكن فياليت الي اتعرف ما تبخل علي لاني يوم اكتب موضوع ما اجوف حد يفيدني وانا محتاره اقدم تحويله واخذ موعد لاني الرجيم ما اقدر عليه خلاص احس عمري بنفجر واذا نويت اسوي العمليه احاتي الترهلات ريلي يقولي انتي تتحملين مسؤولية العملية والزوايد بعدين وين بتودينها ههههه
قهرني بهاي الكلمه
اسموحولي الموضوع طويل بس محتاجه مساعدتكم شورون علي للي اتعرف شي عن الموضع اتفيدني 
وبحلالـــــك عـــــن حرامـــــك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن
انا سمعت والله اعلم ان ثقة تتكفل بلعمليه الي وزنهم فوق المية ممكن تتصلين وتتاكدين بارك الله فيج
انتي من وين ؟؟
تقدرين تروحين مركز او لا
اذا ماتقدرين خبريني وانا مستعده اسألش إخصائية تغذيه وسويلش ريجيم ومايكون قاسي ..
والسموحه
اخير لج لاتسوينها بنت عمي مسويتنها وياليتها ماسوتها
معاناة ف معاناة اشوف ناس مسوية وايد بس تعاني
وانا عن نفسي جربت كل شي حتى الحبوب بس احين ببدي اغير اسلوب حياتي مشي + اكل صحي
جريبه وحطي لج اهداف عسب تمشين عليها
وربي يسهل لج امورج يارب
بس نصحية ابتعدي عن العملية ماتدرين شو يستوي خلاف و غير ها الترهلات مابتروح الا بالرياضة