بنآت .. خاصة العين .. ما تلاحظن هالايام واااااااااااايد شي شحاتين !!!
باص مركب في يهال فوق الـ 10 ويفرفرهم في الحارات عسب يتشحتون .. حراااااااااام جي ><
لا وفوق هذا مرة ذاك اليوم شفت الباص موقف في نهاية الحارة .. وموزع اليهال في كل بيت
واليهال لززززقة .. العصر نحن رقوود مرة 4 يهاال داخلين البيت ويدقون باب الصالة بصوت قوووووووووي والله عصصصصصصصصبت ما دزيت لهم ويه .. بس من الحشرة ما أحب أهزب ولا أقولهم روحو وادينهم خالية .. قمت وعطيتهم بس من الازعااأآآآآآآآآآج
بنات هذيلا مب فقراء .. هذييلة الشركات يفرونهم واستغلااااليين وااااااااايد
انا دومي أشوف باص ممزور فيه يهاال ما يتعدى عمر الواحد 12 سنة !!!
لا وبعد يوم دخلت حارة بالغلط 10 هجموووا ع سيااارتي شوي كنت بدعمهم انجبرت فجيت الجامعه والله نطووو في سيارتي زغغغغت >< جان اعطيهم من الزيغه وخفت أريس وأدعم حد لانهم مول مب طايعين يروحون !!
حتى ان ما رحتي باب الحوي يدخلون مررررررررة باب الصالة وان ما رحتي ايووون ويدقون باب غرفتج !!
والله اني ما أباالغ بس صدق انااا كذا مرة جي استوى معاااي
شو رايكم بنات؟
كيف نحد من هالظاهرة اللي واااااااااايد منتشرة عندنااا هالفتره خاصة؟
لـزقه يعنـي لازم لازم ..!!
هذيلا مـوب طـلآبيـن هذيلا سـرآقيـن ..
آلله يهـدى آلكل ..
يعني واااااااااايد طفرةةة من الخااطر
المشاركة الأصلية كتبت بواسطة صفوويه 
بلغي عليهم الشرطه اول ماتشوفين الباص
اختي الغالية ,, نحن مسلمين ونحن أكرم الناس ولله الحمد
الاولى بينا نتبع ديننا وماننهرهم ,, محد يشحت وهو فرحان ,, الله عالم بظروفهم ,, انتي ممكن لا تعطينهم بس في نفس الوقت لا تزعلين منهم أو تنهرينهم ادعيلهم بالهداية والرزق الحــــــــلال تكسبين أجر فيهم بدال ما تكسبين اثم منهم 
وربي يرزق كل محتاج , ويهدي كل ضال , ويرزقج من حلاله الطيب
اللهم أرني الحق حقا وارزقني اتباعه وأرني الباطل باطلا وارزقني اجتنابه