بدخل بالموضوع سيدة
المهم قبل ما كنت اشتغل و عمتي اصرت و قالت اشتغلي ساعدي ولدي بالمصاريف لانه مديون و انا ما كنت ابى اشتغل عشان خاطر بنتي الوحيدة و قالت عمتي انا بيود بنتج و بعد سنة اشتغلت واخت ريلي اللي بعمري قالت امي كبيرة ما تروم تيود عيال الناس و اتصلت حق اخت ريلي الكبيرة المعرسة قلتلها عادي تيودي بنتي قالت عادي لانه عيالها كبار في المدرسة و بعد فترة مسكتني و قالت بخبرج شي الناس قامت ترمس و تقول ليش تمسك بنتها ما تعطيج فلوس و قالت انا ما ابى فلوس حمد لله عندي ريل يصرف علي و بعد شهر من تيويد بنتي عندها قالت ليش ما تودينها الحصانة قلت اخاف عليها و بعد فترة قامت تعلق على عبي و بعد فترة تقول مكياج اوفر وايد و يبين عند السواق رديت عليها و قلت لها انا سايرة دوامي كله حريم ما في رياييل و بعدين السواق الصراحة ما يطالع و كله يشغل قران و انا صراحة مكياجي يكون خفيف مو وايد حتى اللي بالدوام يقولن لي ليش ما تتعدلي نحن كله حريم و بعدين قمت ما احطي و قبل يومين اتصلت و قالت انا ما اقدر ايود بنتج لان بشكارتي بتسافر بصراحة انا احسها تسوي جيه عشان ما تمسك بنتي
بس الحين محتارة وين اوديها و بنتي وايد تخاف اخافها ما تتأقلم مع الحضانة و امي بعد مو راضية تمسكها و الله ما في حد فيه خير في هذا الزمن.
خبروني شو اسوي ما ابى بنتي اتم تصيح و تعاني ساعدوني الله يخليكم
واذا انتي تبين الوظيفة وحبيتيها من خاطرج عطي اخت ريلج فلوس قوليلها بعطيج كل شهر مبلغ واذا ما رضت ودري الشغل وريلج يتحمل المصاريف بروحه مايبلها تفكير
انتي ما عندج شخصية ؟؟
قالت عمتج سيري اشتغلي و سرتي سمعتي كلامها ، وين شخصيتج و قرارج بهالموضوع ..
هالشي اللي نرفزني ..
ربي بنتج احسلج و امج مب ملزومة تشوف بنتج ، كافي انها ربتكم و زوجتكم ..
هاتيلج خدامة خل تشوف بنتج ..
لكن لو شفتيه مش مهتم ومعتمد عليج فالصرفية اظهري ..
وبنتج محد مجبور يقبضها عنج لا امج و لا عمتج و لاحمياتج و حتى خواتج لا تقولين محد فيه خير لا حبيبتي كلن ومسؤوليته و التزاماته وبنتج انتي اتربينها
ابرك من تربية غيرج ..
فنصيحه لوجه الله القرار بايدج مش فايد حد صلي استخاره وشوفي استمرارج فالشغل خيره او لا
عقب اذا ارتحتي للشغل بنتج بامكانج اتحطينها فحضانة او فديينية منها تتعلم وتستفيد اذا سنها يسمح
او اتيبين خدامة تيلس هندها لكن اتكون ثقه وانتي محرصه عليها ..
اذا كل شي اتسكر فويهج فانتي ابخص بتربية بنتج و هيه اولى من الشغل
ريلج طالت ولا قصرت الدين بييه يوم وبيتسكر ان شاء الله وبترومون اتعيشون على باقي الراتب
كلنا عايشين بديون لكن الحياة اولويات واساسيات وزعيهم على حسب اهميتهم وبتعرفين تعيشين حياتج
محد له الحق يفرض رايه وشوره عليج .. عمتج يمكن نيتها صافيه ما قصدها تجبرج لكن ميبي تتمنى لكم اتعيشون باريحيه وما يسبب الدين
لكم ضيق ..
فرجاءا خواتي اللي يبا يرد يحاول يتفهم الوضع ويتلمس العذر عمره التهجم والتجريح ما اكل عيش ..
وديها الحضانة يمكن تستانس ويا الياهل وتتعلم أشياء مفيدة
وإذا حسيتيها خايفة ومتضايقة اطلعي من شغلج وخليج وياها
بس حرام تظهرين من شغلج وانتي مرتاحة فيه وكله حريم
استخيري والله يكتب لج اللي فيه الخير
اذا ريلج ما قدر يوفرلج مربيه ايلسي في البيت…
واذا حصلتي حد تعرفينه وتدفعيله راتب شهري بعد زين ترا في النهايه لمصلحتج
والله ايسر كل امورج