الشوفان 2024.

اشحالكم بنات
منو تقدر تساعدني كيف اسوي الشوفان و شو احط وياه ولدي عمره 7 و نص و بغيت اعطيه بس ما اعرف الطريقه كيف و بغيت كمن وصفه اكل لو ممكن

احلى رفع لعيونج والسموحة ما اعرف

1. شوفان + ماي + قشطه او حليب نيدو+ شوربه ماجي + شويه ملج
تحطيه ع النار لين يتماسك مثل الهريس يوم يخلص حطي سمن البلاد او بدون

2. شوفان + ماي + شوربه ماجي+ ملح+جزر مكعبات صغار+بطاطا
حطيه ع النار بس خليها مثل الشوربه

يوم تسوين حليب الصبح ع الريوق خلطيه له فالكوب شوي

بس ها اللي في بالي

الشوفان جدا مفييد وخاصة لما تحطيه عالبشرة
نصيحه عودي ولدج عليه ^_^

الله يحفظه

و منكم نستفيد

للرفع ^_^

نحن انسويه ويا الماي ،الملح شوي بس و نخليه ع النار

وتقدرين تعطينه شووربه تحطين فيها جزر وبطاطا ابشرييهن لان ولدج صغير وحطي
شوفان شوي وحطي شوي شعيريه ولسان العصفور ولا تحطين ما جي حطي شويه ملح

وعالغدي فوري عيش وحطي وياه كوسه وبطاطا و جزر واذا في يقطين يكون احسن وعقب اضربيهم في خلاط

ونصيحه ابتعدي عن الروب والعسل واذا بتعطيه عطيه كميات صغيره لان مب زين له لين ما يكمل سنه

واذا بغيتي اي شي فالج طيب