الشي اللي يلوع جبدج 2024.

السلام عليكم اليوم سويت هالموظوع عسب نتسلى شوي و
كل وحدة تقول شو اكثر شي يظايجها وببتدي انا 1-
1- اكره السمسم والشمام لان ريحتهم ابد مادانيها طبعن هاذي وجهة نظري
2- اكره الاعلان الاسود اللي يطلعلي على جنب في المنتدى يخلي جبدي تلوع افففففف بليز
المسؤولين عن المنتدى شلو هالاعلانات اللي تلعوزنا 3
3- وقمة القهر في الامتحان يوم اكون حاطة جواب صحيح وفآخر لحظة اغير الجواب والله اموت من القهر
4- اكره يوم اكون سرحانة ويي حد ويظربني ظربة فجائية والله اعصبببببب
5- اكره الاحراجات بكل انواعها وبالذات الطيحات الي تخليني اتكسر ههههه طبعن ماعتقد انه في ناس يحبون الاحراج6
6- اكره الجزر والسلطة بكل انواعها <<< ادري انه جي غلط بس النفس وما تهوى وانا ماقلت جي عشان اصير قدوة سيئة بس هذا مزاجي7
7- اكره يوم السجين تجرحني احس قلبي ينفطر ويتمزق لانه الجروح تسويلي تشوهات فيدي اهىء اهىء
اممم 8- اكره يوم احدر المسن و ما احصل حد ارمس وياه
هذي ابسط الاشياء اللي تزعني يلا الحين دوركم
كل وحدة تقول شو اللي يظايجها

للرفع

شكرا يالغالية

وين مشاركات البنات؟؟؟؟؟؟
اترياكن

.. =]

ماداني يوم اطالع التلفزيون وييني اخوي الصغير يقول منو هاي وشو صار منو امها هاي اختها ومن هالاسئله
خخخخ

هههه هي صح جي خواني الصغار يسوون يظيعون علي لقطات هه

1- أكره الطماط كره مب طبيعي استغفر الله شو اسوي ما اقدر تيني لوعه من آكله
2- أكره الأوامر من حد يأمر علي اعاند
3- اكره حد يتحكم فيني
4- ما حب التطنيش
5- ماحب الاستهزاء بكلام الغير
6-ما حب الغباء
7- ما حب اللي يتصيمخ<< وحده تخلي عمرها ما تسمعج
8- ماا احب انجبر اني اصارخ في مكان عام او حتى في البيت
9- ما حب وحده تطلع لسانها 24 ساعهـ مثل الهبله
10- ماحب وحدة >تحش فيني< عيني عينك تحسبني ما اسمعها
11- ما حب اتعرف على ناس سؤالهم الأول شو جبيلتج؟؟؟
12- ما حب حد يطالعني اتضايج موووووت
13- ماحب وحده تقطع عني شهوووور او سنين وفجأة تيني تسألني وينج ؟؟ ليش ما تسألين ؟؟؟؟ عطيني رقمج؟؟؟ ايميلج؟؟؟
ووايد اشياء تضايقني غير هذيلا هههههه
اكتفي فيهم
و إذا تذكرت شي لي رجعه طبعا
و مشكورة على الموضوع الحلووو مثل راعيته