يحبس وراه اسرار.. واحزان.. و ادموع
أجلس مع اخواني.. و كنَي لحالي
أتصنًع البسمات.. و القلب موجوع
وانا كذا..!! من سبعة أيام حالي
من بعد ذاك اللي هجرته من اسبوع
له اربع اسنينٍ و هو رآس مالي
ويمشي معي دايم على السمع..والطوع
يا كان يعشقني و يعشق ظلالي
وياهو في موق العين و القلب مطبوع
أذكر.. مواقف بيننا.. في خيالي!!
ثم آتبسًم.. و أكتم الدمع.. و اللوع
مــاًـيــت.. من تمثيل.. دور المثالي
اللي يشوف الشوق.. و الحب.. ممنوع
يااااا خوي انا ما نيب .. رجًال آلــي
هيكل من الفولاذ و الصلب مصنوع!
صحيح اكابر.. لو الاحزان فالي
و أتظاهر الشًبعه.. وانا ميتٍ جوع
لكن.. اذا حنٍيت لانسان غالي
طبعآ….. بحس بحالة الضيق و الروع
تبغى الحقيقة عاد؟؟.. ما كنت ابالي
كنت احسب انه يشبه الغير فالنوع
ويوم ان فقدته قلت.. شــ للي جرا لي؟؟
و قام الخفوق إيونَ و ابصوت مسموع
و شفت الليالي غيـــر .. ذيك الليالي..
شفت المجرًة.. لكن البدر.. منزوع!!
أحيان.. أعزز في لقاه إحتمالي..
و أحيان…. احس ان الامل صار مقطوع
كلمات الشاعر: سلطام الشلفان
انتقاء جميل جدا و أبيات صادقة الإحساس ,
كم من الناس لا نشعر بقيمتهم في قلوبنا إلا بعد فقدهم و بعدهم ,
وحين الهجر لا ينفع ندم أو تلوم , فتبقى الذكرى بلسما يمسح عن جروح فراقهم .
سلمت يمينك يا غالية , و بانتظار بديع اختياراتك إن شاء الله ,
دمت في رعاية الله و حفظه ,
ودي و تقديري .