شخباركم يالغاليات
عندي بنت ولد والحمدالله ع هالنعمه
بخبركم سالفه فخاطري
حرمت اخو ريلي ربت من اسبوع الحمدالله ع سلامتها والله فرحت لها من قلبي وزرتها
بس الي معور قلبي في السالفه عمتي ام ريلي
يوم تربي حميتي عمتي اتيب لها الاكل للمستشفى والهدايا حق عيالها ويعني غير
لحظه محد يسير باله بعيد انا مب حقوده ولا محتاجه اي شي الحمدالله
بس الي فالسالفه يوم يبت عيالي والله انها اتي المستشفى ايدها خاليه حتى قوطي العصير ماتفكر اتيبه
حتى يوم يت بيت اهلي والله مافكرت اتيب اي شي حق عيالي
والله السالفه مب سالفه هدايا واكل بس التفرقه هي الي تعور قلبي ع عيالي يعني كلهم عيالج
مب جيه ولين يومج هاه ماعمرها يابت لهم اي شي لا في عيد ميلاد ولا اي شي
ومابتصدقون يوم اقولكم تشتري حق بناتها الجبس والعصير وعيالي يصيحون يوم يشوفون عماتهم والله اني ازعل مابتخسرين شي الا هو جبس ولا تكسرين خاطر الياهل
والله اني مب مقصره ويا عيالي كراتين العصير والجبس موجوده بس سالفة التفرقه هي الي تزعلني
الحمدالله ان عيالي صغار وما يفتهمون عسب يشوفون تصرفات يديتهم الله يهديها
الصراحه انا مريت فهالموقف وانا صغيره يوم كنت اشوف يدتي تفرق بينا وبين عيال عمي صدق هالشي يعور القلب معنه نحن كنا نحترمها ونحط يدتي فوق روسنا وعيال عمي يعاملونها معامله مب زينه
حبيت اشوف راي كل وحده منكم فالموضوع
وتحط نفسها مكاني 
الله يعييينج
والله يالغلا انا مريت بنفس مشكلتج عمتي ولا مره فكرت اتييب لهم شي اما لعيال ولدها الثاني ماشالله ما اتخلي شي الا اتييبه ..مو حسد ولا حقد بس اتحز بالخاطر ..الصراحه انا اطوف واكبر راسي ما اقدر اقولها ليش اعيالي غير ..
ما اقول الا الله يهدي الجميع ..ويعينج حبوبه ..
بس طنشي ولا تحطين في بالج ولا تضيجين قولي حق نفسج نفسي غاليه عليي وما بتعبها ..
اللي عليج تحترمينهم وتزورينهم وخلاص …
طاف والحياه حلوه^^
وحطي لنفسج وعد انه ما راآح اتقصرين معاآهم بشي ,
والله يهديهاآ صراآحه شي يزعل من جد ,
حبيبتي يمكن هيه زعلاآنه من شي ولاآ فـ خاآطرهاآ شي عليكم ماآ يندرى !!