بما ان اليوم جمعة وعطلة ويوم الجمعة بكون الاهل والحبايب كلهم مجتمعين فاكيد لازم نعمل شي اكلة طيبة ويحبوها الكبار والصغار فقررت اعمل صفيحة سورية شوفو معي كيف ساويتها :
اول الشي المقادير انتو بتزيدو او بتنقصو نها على كيفكم
لحمة مفرومة نااااااااااعمة ( في ناس تحبها مع دهن وناس لا ..انا مابحبها مع دهن فضفت نص قالب زبدة حتى تعطيها طعمة طيبة وماتطلع ناشفة )
بصل عدد واحد حجم كبير مفروم ناااااااااااااااعم
لبن روب قدر 3 معالق كبار . بزر كزبرة . ملح . فلفل . دبس رمان . عصفر قدر 3 معالق كبيرة
الطريقة :
منخلط اللبن والبهارت والعصفر والرمان وذوقوها اذا بدها ملح او حمض زيادة انتو هون بتتحكمو بالمقادير مابحسن قلكم العيارات بالضبط انا بحبوها حامضة فكترت دبس الرمان فيها
وبعدين بس تتاكدو ان الطعمة تمام منخلط معهم اللحمة والبصل وهي شكلهم بعد ماخلصت الخلطة :
وبالنسبة للعجين انا استخدمت عجينة ال 10 دقايق ممتااااااااااااازة وطريقتها معروفة
المهم نفرد العجين ونرقو بعدين نقطعو دوائر ونصفها على صينية الفرن بهاد الشكل
بعدها نمد الخلطة على الوجة وكتروها شوي لان اللحمة بتكش والعجينة بتنفش مشان ماتطلع اللحمة قليلة والعجينة كتيرة
وبعدها ندخلها الفرن من تحت حتى يحمر وبعدين من فوق ليحمر كمان وهي بعد ماخلصو
قدموها مع اللبن وبسسسسسسس
وهي صورة اقرب زوووووووووووووووووووووووم
وهي من جوا شوفو كيف قلبها فاضي وخفيف
وهون زاد عندي من العجينة عملت فيها بالزعتر على شكل سينابون شوفو مااحلاهم
وهي زوووووووووووووووووووووم
انشاءالله يكون عجبكم وصحتين وعافيه على قلوبكم
جربوها ودعولي
تسلم ايدج
تسلم ايدج
تسلم ايدج
