الصلاه واجبه والبعض لا يؤديها فنطلب لهم النصح 2024.

:1 (25): السلام عليكم ورحمه الله وبركاته اخواتي العزيزات عندي مشكله وكبيره وهي لي صديقه ما تصلي ونصحتها وايد بس مادري شو اسوي معاها وتحرقلي قلبي لانها من احسن البنات الي اعرفهن وصريحه وماتحب اتجامل وتتحلي باخلاق الاسلام والكل يحبها في الدوام بس انصدمت من ها الشي فيها ويوم كلمتها قالت اعرف انه الصلاه واجبه وانها تحب اتصلي وتبغا بس ماتعرف ليش يوم اتي تصلي كانه في شي يمنعها وتقول واذا صلت ماتحس بلي حواليها مرات ومرات تباتخلص منها بسرعه وهاذا اذا صلت صلاه وحده في اليوم وقالتلي هي تحاول وطلبت مني اني ادعيلها وقلتلها الي مايصلي حتي لو دعاله شيوخ الدين والعلما الله مايتقبل دعائهم له فارجوكم ساعدوني كيف اتعامل معاهاوانا متاكده انها راح اتشوف المقاله وبتعرف نفسهابس والله هذا كله عشانها والسموحه منكن:1 (9):

اهديها قرءان وهديها محاضرات دينية تتكلم عن عقاب تارك الصلاة بتخاف وان شالله تهتدي

والله يوفقج الغالية لفعل الخير

الله يهديها والتوكل على الله
(أنت لاتهدي من أحببت ولكن الله يهدي من يشاء)

الله يهديها الصلاة شئ مهم في الحياة خل تسال عمرها ليش نحن انخلقنا ؟؟؟ مب عشان نعبد ربنا .. الذي خلق هالكون كله لازم نشكره ونعبده ويكون بالصلاة .. الانسان اول ما ينسال يوم القيامة عن صلاته .. شو بيكون جوابها وشو اللي منعها .. لا تضيع عمرها بهالدنيا الفانية وخل تفكر بالاخرة (( فالاخرة خير وأبقى )) خل تستغل وقتها بعبادة ربنا قبل لا تندم والفرق بين المسلم والكافر هي الصلاة والحمد لله رب العالمين اننا مسلمين الله يهديها ويهدي الجميع وخل تستغفر ربها واتصلى وتصحى من الغفلة اللي هي فيها أأأمين

وعليكم السلام ورحمة الله وبركاته

أول شي اسمحي ليه ختيه عفاري الوحداويه

أنيه أهنيج على حبج للخير والحرص على نشره

والله يوفقج للي فيه الخير

بالنسبة لربيعتج

فما أقول غير الله يهديها ويعينها

وانتي احرصي أنج تعطينها كتيبات وشرايط محاضرات بهالخصوص

خصوصاً أنه رمضان على الأبواب

الله يبلغنا إياه جميع .. آااامين يا رب

وباااارك الله فيكن خواتي اللي تحرصن على نشر الخير .. وكثر من أمثالكن