كثيرا ما قرأت وشفت طرق للكباب بس بطرق مختلفة وكل شخص وطريقته طبعاً بس لاني ما احب الكباب المسطح الا على قولة اخويي ( دايستنه سيارة) لان ما يطلع الطعم واللذة
راح عطيكم الطريقة الصحيحة لعمل الكباب المدور ويكون مثل الكرة وطعمه جنان بس حاليا ماعندي صور اذا سويته راح اعرضه لكم
ويكون الكباب خفيف وشكله رائع وانيق ويشهي
طريقة العجن : أخذ طحين الكباب واضيف عليه ملعقة بيكنج بودر وملعقة كبيرة خميرة فورية وبيضة وبعدين اضيف عليهم قليل من الماء الدافئ شوي شوي حتى تكون عندي عجينة ثقيلة اهم شي تكون العجينة ثقيلة مو واجد بعدين راح تعرفون ليـش
واخليه تختمر مدة ساعة او لوقت قلي الكباب
اخذ لي ربطة تابل وربطة شبنت وبصلة كبيرة وجزرة وطماطية قوية مو متهرية وفلفل رومي وفلفل حار ( على حسب الرغبة) وفصين ثوم
اخليهم بالفرامة الكهربائية او اليدوية يعني تسوينه ناعم ونخليه على جنب
لما العجينة تتخمر وصار وقت القلي اخذ المقلى واحط فيه زيت غزير
بعدين اضيف الخضار الناعمة على عجينة الكباب واضيف البهارات ( ملح – فلفل اسود – بزار – كمون اهم شي بس ابدا لا تضيفين الكركم
وقلي الكباب راح تلاحظين ان الكباب صار مثل الكور ولونه عجيب وريحته مشهية، شيلي الكباب من الزيت وخليه على ورق نشاف ( لما تفتحين الكباب راح تشوفيني اللون العجيب لون اخضر من كثر التوابل وطعمه جنان وشكله مرتب
ملاحظة :
1- اذا تبين كباب اللحم ، خذي لحم مفروم وضيفيه مع الخضار على العجينة
2- لا تضيفي الخضار مع العجينة مرة وحدة وتخلينها تتخمر لان الخضار يفقد فوائده ويخلي العجينة سائلة ويفقد الكباب طعمه
جربوه ودعولي لان الكل الي يجرب الكباب من بيتنا يحبه ويطلبه مرة ثانية وثالثة جربوه ودعولي
بس بحاول وبخبرج بالنتيجه..
المشاركة الأصلية كتبت بواسطة starry 
بس بحاول وبخبرج بالنتيجه..
اكيد بيكوون حلو دام انتي مسويته ترى الطباخ مايباله شي بس شغله كسل
وتسلمين ع الوصفه