مشكلتي اهي ريلي …نحن تزوجنا عن حب كان ماعنده الجنسيه ولا راتب مثل الناس ولا بيت بس انا اخترته لاني احبه وقلت بتحمل كل شي وسكنت في بيت اهلي معاه 5 سنوات كنت انا اصرف عليه وعلى البيت وعلى العيال وكنت فرحانه ( طبعا خلال الخمس سنوات كنت الاقي ريلي يرمس بنات ويتعرف عليهم وكنت اقوله لو انا مب عايبتنك طلقني وسير لهم وكان يقولي لا انا احبج انتي وما افكر بالزواج بس هذا طيش ونزوة !!!!!!!!!!!!!)
….لين ما طلع لريلي الجواز وحصل شغل وراتبه صار اعلى عني …….تغير ريلي 180 درجه …تخيلو اول ما طلعلنا بيت قالي هذي غرفتج والغرفه الثانيه غرفه زوجتي الثانيه !!!!!!! وقلتله ليش قال الله انعم علي وليش ما افكر في الزواج دام الشرع محلل اربع !!!!!
حياتي استوت من ها اللحظه جحيم وكل يوم يدش النت ويدخل شات مع البنات ويرمس وياهم للصبح وانا وعياله لنا الله؟؟؟ ويوم احاول اعاتبه او اقوله ليش تسوي شذيه يمد ايده علي!!!!!!!! انا الي وقفت معاه خمس سنوات صار يمد ايده علي عسب البنات؟؟؟؟؟؟
حاولت معاه بكل الطرق لكن دايما رده ان الشرع محلله اربع ومن حقه يتعرف ويطلع مع البنات عسب يتزوج والمفروض انا ما ازعل !!!!!!!!!!!!!!
فلوسه مب لنا فلوسه استوت لسياراته اليديه وسفراته وطلعاته وسهره لاخر الليل ويا ربعه …واذا اعترضت وطلبت حقي وحق عيالي يقول احمدي ربج انج متزوجه واحد يحبج مثلي !!!!!!!! اقوله وين الحب وين الوفا والاخلاص يقولي انا ماراح اطلقج انتي ربي عيالج وانا بتزوج وبستانس؟؟!!!!!!!!!!!!!!!!!!!!!!!!!!!!!!!!!!!!!!!!! !!!!
يوم اساله ليش تعاملني شذيه ؟انا مقصره معاك بشي يقول لا بس انا حاب اغير لوك مليت !!!! وكل واحد يدور الجمال !!!!!!!!!!
انا نفسيتي تعبانه منه .اتم مع ها النسان الناكر للجميل عسب عيال والا اطلب الطلاق …عطوني حل او راي اوحتى دعاء يخفف عني
استغفر الله واتوب اليه
الموقف صعب …. ولو أنا مكانج راح أفكر بالطلاق أحسن من عوار الراس …
بس في عيال في الموضوع أصبري وطنشيه يمكن بإذن الله .. الله يهدي ويبعده من هالدرب … الريايل بطبيعتهم ملولين ( يملون بسرعه ) ولا يحسبون حساب لآي شي لا عشره ولا عيال ولا حرمه صبرت عى ظروفك و لا أي شي … الله المستعان .
الله يكون في عونج إختي ويهديلج ريلج ويصبرج .. إصبري إن الله مع الصابري
قليل اصل شو تتريين منه؟! ، من تمكن وقدر باع ونسى من وقف وياه
الله يعوضج خير يارب
كل هذا و بالاخير نكر الجميل ياليت لو ينسحب منه الجواز ويرجع لاصله شوفيه كيف بيصير حمل وديع تحت رحمتج !!
مادري اذا التهديد ينفع ولا ولا …بس قولي لي انا بطلق وعيالك ربيهم حابة اغير و اجرب الاصل وانوع مثلك مليت اني اصرف على واحد بالاخير تبطر عالنعمة و علي ،، اذا بيحس وبيفكر في مسؤوليتهم وشوفي رد فعله يمكن يتخذ قرار ثاني لحياتكم الله يهديه لكم ان شاء الله و يصبرج ،،
اسمحيلي بس ريلج قليل اصل وما ثمرت فيه العشرى وكل تضحياتج
من رايي طنشيه وديري بالج على عمرج وعلى عيالج
ولا تنسين ان في رب بيطالع وبيشوف وما بيرضى بالضلم
وأكيد راح يبين حقج فيه
خليه فحياته وتاكدي ان للي ماخد طريق النت والطلعات والسفر مشان يدور على حرمه يتزوجها
اكيد مراح يتزوج لن الحرام متوفر له والحلال فبيته
وراح يتعب فيوم من الأيام من للي قاعد يسويه ويرد لبيته
ريلج حديث النعمه رب العالمين رزقه رزق فعصاه بالرزق هذا فالحرام
أعوذ بالله
الله يعينج ونتي ساعديه بالصلاه والدعاء
الدعاء والتقرب من الله وايد بيغير اشياء
والله يصبرج