اشحالكن فديتكن الي سافرت على االطيران البريطاني برتش اير وايز تفيدني شو مريحه والكراسي واسعه وكل كرسي فيه شاشه افيدوني افادكم الله
وان شاء الله البنات يفيدونج
بصراحة الطيران البريطاني حلووو
انا طول فترة دراستي يوم كنت في امريكا كنت اسير على البريطانية.. ومرة من المرات وانا رادة من امريكا البلاد حجزت متأخر وما حصلت الا الفرنسية… وبعد مب سيئة…
بس البريطانية حلوه… وكراسيها زينة.. وشي شاشة على كل كرسي…
بس البزنس أحلى … انا مرة وحدة سويت اب قريد…
بصراحة يوم اسافر عليها احس بأمان أكثر من اي طيران ثاني.. مادري يمكن لأني تعودت عليها..
حتى الوالدة يوم يتني امريكا يتني بروحها … لأنها ياية على نهاية الفصل الدراسي تحضر تخرجي… واستانست عليها… خصوصا من دبي لين لندن… لأنه كان فيها مضيفين عرب وتحملوا على امي وااايد يوم عرفوا انها بروحها.. وكل شوي حد اييها يسألها اذا تبا شي… بس من لندن لين امريكا ماكان شي مضيفين عرب شوي حست بملل وماعرفت تتفاهم وياهم اذا تبا شي.. تمت ساكتة وما طلبت شي طول الرحلة…
بس فديتها دووم تقول الطيران البريطاني زين…