فديتكن بغيت الشور والمعونة جان حد عنده معلومة عن العلاج في بانكوك .. وحده من هلي تعبانة ونبغي نسفرها تسوي check up كشف عام في تايلاند .. فقدت الأمل في مستشفيات البلاد ما حد عرف عوقها كل حد يفتي بشي ..
وأتمنى تساعدوني ..
كيف نحجز موعد هناك ؟
أي مستشفى أحسن ؟
ووين تنصحونا نسكن ؟
وشو التكلفة التقريبة للكشف الكامل ؟
وإللي عندها معلومات زيادة أو لنكات ( روابط ) مفيدة أتمنى أنه ما يبخل علينا ..
ويزاكم الله خير …
اسكنوا في فندق زينث اقرب للمستشفى الامريكي
مايحتاي سياره بس مشي
والمستشفى فيه مترجمين تايلندين مسلمين بيساعدونكم وما بيقصرون
وهم في الطابق الثالث من المستشفى
والسفارة بعد هناك وبيقدمولكم كل المساعدة
وسلامات وما اتشوفون شر
نحن سكنا في فندق ديما بس شوي بعيد احسن اسكنوا في جريس القسم الجديد ماشي زحمه شباب الحين في منطقه العرب . او اي مكان في منطقه نلنل 4 او 3 زين اول يوم اتروحين بيعطونج اليوم الثاني للفحوصات واذا تقدرين اتروحين نفس اليوم من الساعه7 احسن صايمه الكشف تقريبا يكلف 1000 او شوي ازيد اما العلاج فحسب
تقدرين اتابعين ويا الدكتور او المستشفى بعد ماتردين لنا بالسلامه بالايميل
والله يشافي مرضانا واياكم دعواتج لابوي يشفى .
وشرات ما قالولج السكن اللي حق عوايل وبيكون قريب عليكم في زينث او جريس او اماري والهوليدي ان بس بعيييييييييد شويه
اما تكلفة العلاج احس مب واايد وشرات ماقالتلج الاخت ان تسيرين من الصبح و ع الريج وبيسوولج الفحوصات دايركت والنتايج في منها في نفس اليوم وشي اليوم الثاني او الثالث
واحنا كنا يالسين فترة صيف او الربيع ف كان اليوم ب 500 بس ف الايام العاديه 200 او 250
وعلاجهم واااااااااايد واااااااااااااااااااايد
واللــه يعاااااااافيها ويقومها بالســــــــلامه وما علييييييها شر
زين . أقدر أحجز الفندق وانا هنيه في البلاد ! عطوني فديتكم إسم الفندق الزين بالإنجليزي يمكن لهم موقع وأرووم أحجز عن طريق الويب سايت .
والشي الثاني : لازم أحجز موعد في المستشفى قبل لا نسافر ؟
زين ما تعرفون شركة ترتبلنا هالأشياء قبل لا نسافر ؟! وإلا ما يحتاي ؟
أترياكم ..
اما عن الفنادق وايد فنادق اوكي
1_ زانيت .2_ رويال بنجا. 3_ ماريوت. 4_ الهيلتون. في بعد وايد بس م اذكرهم
حبيبتي ادخلين ع قوقل واكتبين فنادق بانكوك أو تايلند وبتشوفينهم مليون واحد
حبيتي انا اخوي عنده رقم مكتب سباحة هناك لانه هو واختي كانو رايحين علاج من شهر تقريبا
ولو تبين رقم هالمكتب السياحي بتخبر اخوي وبعطيج له تتصلين فيه من هنيه فالامارات وتنسقين وياه
على حسب م تخبرني اختي انه وااااااااااااااااااااايد وااااااااااااايد اوكي هالمكتب
واللي اسمه ع ماا اتوقع موسى البانكوكي تقريبا هالاسم
واذا تبين رقم المكتب حاضرين حبيبتي تاميرين امر انتي
عطيني خبر فالخاص وانا بيب لج الرقم اوكي
بس المستشفى الملكي افضل
وبعدين روحي لهم صايمه فديتج وعلى طول بيسون الفحص والنتائج بعد
وشكرا