مرحبا خواتي.. ان شاء الله انا سايره العمره بعد اسبوعين…
وهاي اول مره اسير من 7 او 8 سنين وكنت صغيره حزتها يعني مراهقه بعدني وماعرف وايد للعمره…
شو تنصحوني البس هناك؟؟ ومتى اسير الحرم؟؟؟ ووين اتسوق؟؟ يعني انا اريد نصايح عامه عن العمره وشو ممكن اسوي هناك… وعلى فكره ترانا حاجزين في ايلاف كنده.. حد يعرف هالفندق؟؟ وقالولي انه جريب من الحرم.. ابغي اعرف يعني قد شو جريب؟؟
اولا : ربي يسهل عليكم السفرة وتروحين وترجعين بالسلامة
من ناحية الثياب لبسي اشياء خفيفة والافضل تاخذين عباة مسكرة ارتب واحسن
والحرم حلو تروحين له قبل صلاة الفجر تطوفين وتصلين لين الاشراق والله انها لحظات لا تفوت في حياتج
وقبل كل صلاة بفترة تروحين تشوفين لج مكان عن الزحمة والضرايب والحينه زحمة مثل ما عرفنا
اما عن السوق حول الحرم تلاقين محلات اشكال والوان فيعني حوطي على كيفج والاحسن بعد صلاة العشا تاخذين راحتج وما تحاتين اي الصلاة
واخيرا اقولج لا تنسينا من دعوة حلوة 
مقابل الهلتون إللي هو أبراج مكة وفي عندهم أسواق
داخل البرج وحتى برج زمزم تحته سنر بس ما دخلته
وتغشي هناك عااادي يعني
وحتى إيدج غطيها مو شرط قفاز لا بالعباة أنا أشوف أحسن
وإحرصي على السنن إللي رسول الله ما كان يتركها في السفر
وهم سنة الفجر والضحى والوتر ما كان يتركها لا بالسفر ولا الحضر
صلى الله عليه وسلم
وإحرصي على الدعاء بكل وقت خاصة بالطواف ودعوة المسافر مستجابة بإذن الله
وتوسلي لله بأعمال صالحة قمتي فيها لله لما تدعين الله
وعليج بكثرة الصدقة أنا أشوف إللي يستاهلون عمال الحرم مو الطلابين
ولا تنسين غض البصر قد ما تقدرين
وعمرة مقبولة تروحون وتردون بالسلامة إن شا الله
مثلا تشترين مصحف ويختم لج عليه وقف لله تعالى
وتحطيه بالحرم عنج أم عن أي أحد حتى لو ميت يعتبر
صدقة جارية أو كرسي متحرك
ولا تنسين عليج بذكر الله بكل وقت والإستغفار
صدقيني بتحسين براحة عجيبة