الركب والاكواع والمحاولات المستمره لتفتيحهم … اليوم شفت دكتور جلديه مصري في التلفزيون كان يقول لازم ما تسندين اكواعج على اي شي صلب نفس الطاوله مثلا لانه هاشي يساعد على اسمرار هالمناطق يعني يوم تاكلين على الطاوله لا تسندين اكواعج عالطاوله اصلا من الاتيكيت بعد انج اكواعج ما يكونن على الطاوله وانتي تاكلين …….. وثاني شي عند الصلاة يوم تسجدين لازم تحطن شي تحت السياده علشان تحمن ركبكن انا احط مخده تحت السياده في المكان اللي ركبي تنزل في وانا ساجده …..
الركب والاكواع صراحه بحاجه لعناية يوميه ومافي شي اسمه تبييض الركب في شي اسمه تفتيح لكن تبييض مستحيل بس ممكن تفتيح هالمنطقه وذلك بالاهتمام بها يوميا بس اذا وقفتي العنايه ترجع مثل اول …. الركب والاكواع بحاجه يوميه للترطيب المركز والتقشير كل كم يوم + الخلطات اللي ممكن تساعد على تفتيح هالمناطق
والدكتور بعد ذكر شي مايخصه في الركب والاكواع …. تكلم عن اسمرار الرقبه وقال ان المفروض ما تحكون الرقبه بالليفه والصابون لان هالشي يزيد من اسمرارها … اغسلوها بس بصابون بايديكم بدون ليفه وبدون حك
وبعد فرك الرقبه بالليفه من أكبر الأخطاء اللي يرتكبها الناس وفعلا تسود الرقبه سبحان الله مع ان فرك الجسم بالليفه مايسودها
هالله هالله بالركب يابنات ….تقشير مرتين بس بالاسبوع لكن الترطيب كل يوم كل يوم
مشكوره حبيبتي انج شاركتي البنات المعلومات اللي سمعتيها
لاحظو هالشي .. بالرغم من ااننا نبى نفتح لون الاباط الا انج لو فتشتي اباط ابوج ولا اخوانج وهم يشلون بموس بياااضه ماشاءالله