العناية بالبشرة الدهنية . 2024.

مرحبا صبايا

شخباركن ..

اكيد كل وحده تحب تهتم بعمرها وخاااصه البشرة سواء كريمات او مكياج …
ياليت يكون هالموضوع مرجع للبنات الي بشراتهم دهنيه وحابات يهتمن بالبشرة ..

وبما اني دخلت سن اليأس <—- بسم بالله عليه بعدني صغيره

بس عمري 27 عامــــــا <—- العمر كله ^^

بشرتي من النوع الدهني واايد بعد وانسانه هيز ماحب استخدم شي يعني تشوفوني يوم استخدم وعشرة لا
يعني الصبح يادوب بس احطي واقي شمس وشخط قلوس

ابغيكم تفيدوني اي ماركة اقدر استخدم للعناية بالبشرة وماشاءالله السوق مليانه بالماركات ومب عارفة شو اخذ …

يعني من ناحيه مرطب وسيروم ( ماعرفه هذا بس اسمع عنه هع) بييس ؟؟؟

غسوول تونر وكريم للعين عشان التجاعيد (مافيني بس للاحتياط ) ؟؟؟
اي مااركة تنصحووني حلوة للبشرة الدهنية ؟؟

واذا شي كريم تفتيح لاني حنطيه ع بيضة شوية
ابغي كريم تفتيح اذا تعرفون ؟؟

بنات ماحب اخبص واايد عطوني اشياء بسيطه يعني اقدر اسويها …
انسانه ماعندي وقت هع

شاكرة لكن حسن تعاونكن ….
^_____________________^

موفقه حبوبه

استخدمي كوزماتيكس طبي احس لج الغالية

عن نفسي استخدم ماركة Gurlaine سواء Base الي هو Faundation والبودره.. خبريهم للبشره الدهنيه وهم بيعطونج اليOil free وهذا بنسبه للمكياج..

وبخبرج عن تونر سعره رخيص وحتى العارضات والممثلات يستخدمون.. ويبرد البشره هو سائل او رش Eivan هذا ترشينه على الويه بعدما تغسلينه بالصابون..

والصابون عن نفسي استخدم ماركة The body shop الي بالفيتامين طبيعي..

وعندج واقي الشمس استخدم ماركة طبيه من الصيدليه بنكهة البرتقال Organic..

عندج سيروم توزعينه على الويه قبل لتنامين ينظف البشره ويعقمها ويخفف الدهون من The body shop زيت شجرة الشاي الاخضر..

هذا الي اقدر انصحج به الاشياء السهله..

مشكوورة ع المرور

شو بالضبط استخدم من هالماركة ؟؟؟

يسلمووو ^^

كنت قبل استخدم بودره غيرلان وعقب ماغيروها مول ماعيبتني
ايفان ليكون الي قصدج الرش الي فيه ماي ( الي اعرفه ان هذا ماي !!!) في منه تونر ؟؟

واقي شمس مب مشكله عندي طبي الحمدلله مرتاحتله
السيروم يكون باليل اصلا ماعرف شو هو بالضبط

كنت استخدم قبل من بودي شوب كولكشن فيتامين سي حسيت خلى ويهي برتقالي وودرته
وبعد جربت كوليكشن فيتامين أي مممممممممم ماحسيت سوالي شي …

مشكوورة ويزاج الله خير ^^