شلون تعتنون بنفسكم بعد الولادة؟؟
علشان إن شاء الله اذا قمنه بالسلامة نتبعها
أو في الصيدليه واااااااااااايد زينه
ترطب الكرشه … وحتى الأرداف … وتلينها وتنعمها
وماتخليها تتشقق
تخيلي أنا قبل لا أعرس كانت فيه عروق بيضا مالة المتن والضعف عالارداف وعقب يوم حملت قمت استخدم هالزبده ع بطني يوم كنت حامل وبصراحه كنت اقطع بين يومين وترك
وعقب الربا كنت احطه يوميا ع بطني ادهنه عدل وبين الوروج وعالفخذين من الخلف
والحمدلله خفن لخطووووط وصارن مايبينن
وألحينه عقب ما يبت الثانيه
خلصت الزبده عنيه وقمت أستخدم من نفس الماركه (( بالمرز ))
كريم يشد البطن فيه مادة الكولاجين
وبصراااااحه كل منتجات بالمرز واااااايد زينه
وحتى الدهان الخاص بالصدر وايد زين يخفف التشققات لي تصير بسبة زيادة حجم الصدر وامتلائه بالحليب
والمفروض تستخدمينه من الشهر الثامن عسب يلين صدرج…وحتى عقب وانتي ترضعين عادي الياهل مايرفض صدرج لانه ماله طعم وريحته حلوه شرى الكاكاو
وعن امااااااااااااااانه واااااايد مستنفعه
وحاليا استخدم هالكريم لي بالكولاجين حق بطني
ودهان الصدر
ومرطب دوف حق جسمي كله منعم وريحته منعشه وفي نفس الوقت مايدهن الجسم
واستخدم هذا كله عقب السباحه
وألحينه أنا مربيه من ست شهور على الثانيه
والحمدلله النتايج على خطوط البطن والله أقل عن ربايه على بنتي البجر
وأهم شي تلبسين مشد عقب الربا….خذي لي عند نعووووووومي واااايد حلو وخفيف ومريح
انا ماخذه لي شرى الشورت بلون الجسم ( البيج الفاتح)
وفرق حتى في اللبس مايسوي تقسيمات في الجسم بالذات لو لابسه بودي
وأنا لأني كنت مربيه قيصري فما كنت أقدر اسوي تمارين
بس المشد واااااااااااايد ساعد على انه يدخل بطني بصراحه على بنتي العوده
كنت البس مشد كل يوم وحزة الرقاد اعقه وساعات اتم يومين وانا هب لابستنه (( اريح معدتي)) هههههه
وبما اني كنت ارضع طبيعي كنت وايد ايوع واعطش فكرشتيه ما كانت تصغر بسرعه
بس من كملت بنتي ست شهور وقامت تاكل
قمت أخف من (( العيش ))…. والله العيش من خفيت منه ما كملت بنتي تسع شهور الا وانا راده بطني مثل الاول
بس ماتهنيت وايد
لأني حملت وبنتي عمرها عشر شهور
^_^
بس بعد ارحم من غيري الحمدلله
لأنه أكبر غلط يوم تحملين على كرشه
والحينه كرشتيه من عقب الثانيه وايد صغيره جني مربيه على بجر
لاني ماحملت على كرش
اتمنى اني فدتكن يالغالياااااااااااااات
وعليكن اب بااااااااالمرز ترى منتجاتهم وايد حلوه حتى الزبده ريحتها كاكار ووايد زينه
وأي استفسااااااااااااااار انا حاااااضره يالغاليات
للرفع