حبيت أعرف شو رايكم في السفر للبلدان الأوروبية و أمريكا الشمالية في هالسنوات الأخيرة.
يعني هل استوى لكم مواقف سيئة أو هل كان الجو العام و ردات الفعل عادية يعني مثلكم مثل أي سواح أجانب؟
دوم أفكر في هالسالفة. خاطري أروح بريطانيا و خاصة لندن بس والله خايفة من ردة فعل الناس تجاهي كمسلمة و عربية. و دوم أستغرب من إللي تقول راحت نيو يورك يعني ما شاء الله فيها جرأة والله!
شو رايكم؟ و بليز إللي عندها قصص و تجارب تحطها عشان كلنا نستفيد و شكراً. .gif "12 (43)")
يعني هالشي طبيعي في كل الدول بس انا عرفت شو قصدج
لأنه عادي كلنا نعاني من هالشي
من رايي والله امريكا استوت احسن عن اوروبا , الامريكيين وايد يحبون العرب انا ما اقصد اليهوديين
انا اقصد السكان الاصليين الامركان وايد طيبين و يسلمون عليج و يوقفونج فشارع بس يسلمون عليج
بلعكس لندن ! لندن كلها عرب وايد عرب هي الوحيده الي في دول اوروبا الي متواجديين فيها العرب و بكثره
وايد و مابتتصورين الي يشتغلون في الشركات بعد فيه عرب
بس من رايي امريكا وايد وايد واااااااااايد وايد احسن عن اوروربا
لأنه اوروبا كلهم فيهم اطباع تتشابه و الي فيهم الحقد و الكراهيه موجوده في نفوسهم الا نادرا جان بتحصلين
ناس طيبين , فيه ناس عادي في اوروبا يسبونج عيني عينك
الامريكيين يحترومن الحجاب الي فراسج والا يقدرون يقولون شي !
هاذا كله انا سمعته ياما و ياما سمعت
بس لاتسوين اهميه لأي حد لأنج انتي سايحه ! و السايح يهتم في الامور الاجابيه فالسفر و مب السلبية
لأنه مابترتاحين اصلا اذا سويتي لهم سالفه ..
اذا بتمين تسوين اهميه ما انصحج تسافرين ما بترتاحيييين
انا دوم اسوي طاف ولا كأني سمعتهم واسولف مع الي عدالي هني شوفي كيف ويهم و الله والله بتحمر من القهر ههههههههههههههه
وبعدين صح اوروبا خلاص تعودت على العرب ما يهتمون لأنه اغلب السياح عرب في دول الاوروبية
حتى في امريكا
يعني صار المنظور جدا جدا عادي والله خذيها مني امريكا وايد احسن من اوروبا من ناحية المنظور الاسلامي لأنه وايد يحترمون الديانات
وحتى النقاب صار شي عادي في المانيا و في لندن خصوصا هالدولتين
بس طبعا مب في فرنسا لأنه على حسب الاقاويل النقاب ممنوع حسبي الله عليهم
بلادهم حلوه بس والله مايستاهلون هالجنة الي فبلادينهم
ثاني شي والله أدري للأسف الشديد في عنصرية كبيرة هني في البلد. يكفي إذا بعض اليهال يريد يسب يقول "هندي" أو "هندية" ما كأنهم و إحن كلنا عبيد الله و إن وزن الإنسان الحقيقي بإسلامه و أفعاله. أو الطنازة على سمار بعض الشعوب كأن ربي مش إللي خالقنهم و كأن ما فيهم جمال أبداً.
بس فوق هذا ما أظني الأجانب إللي في البلاد يشتكون من أي عنصرية إماراتية ضدهم يعني في حياتهم اليومية و أشغالهم.
أنا أشوفها شجاعة الصراحة إن العرب بكثرة في لندن مثلاً. ريلي دوم يسب البريطانيين و يقول خقاقين بس أنا خاطري أروح لندن، ههه!
أنا رايحة أوروبا من قبل و حسيتهم ناشفين في فرنسا و إيطاليا. مرة دخلنا مخبز في بارما بإيطاليا لو شفت كيف الريال يرتجف من الرعب، ماااااالت عليه! لو مديت لساني عليه كان أغمى عليه. 😐 بس كنا مرة في فلورنس أنا، ريلي و ولدي عالقين في مطر و واحد حليله ياب لنا مظلة فمواقف و مواقف الصراحة.
بس إحن ما طولنا وايد في فرنسا مثلاً جي ما عرف كيف بتكون المعيشة الفعلية هناك.
بس ما شاء الله العرب يسافروا كل مكان و مسويين أكبر طاف، هاهاها! أحس لازم أكون أنا بعد شجاعة أكثر. *_* شكراً على الرد!
هيه صح مثل ماخبرتج بكل مكان بتحصلين العنصرية و بتلاقين من الشين و الزين
والله صدقيني في كل دوله في الشين و الزين يعني احس ولله عااااااااادي وطااااااف
مابتحصلييييييييييين شي كله زين لا طبعا حتى اهني فبلادنا صح ولالا
و بالعكس اتغيرت و استحسنت الاوضاع في امريكا و حتى اوروبا صار المنظور عندهم عادي واااااايد
لأنه يعرفون انه اغلب السياح في العالم هم العرب انا دوم اقرا الجرايد الاجنبية في الجامعه و اعرف شو يقولون
عنا ..
بس انا بقول حق كل مسافره لا تهتم بالي يقولونه العنصريين في اي دوله بتروحين لها نصيحه نصييييييييييييحه
عيشي حياتج في السفر وتهني و هني عيالج و خليهم يولوون لأنهم مقهورين من دينا والله 
وبس اهم شي من كله هاذا اهم شي فالسفر الحشمه و لا تهتمين لكلامهم لأنه يشوفونج متغطيه أو متحجبه وهم مايعرفون هاذا اساس دينا
ولله الحمد
احس سوالف العنصرية مال اول محد يفتكر فيها
بس اذا الشخص محترم نفسه ويمشي في حاله محد بيقوله اي شي