الغاري ،، او عربة الخروج 2024.

هلا الغاليات

بغيت استشيركم في شي

بالنسبة لعربة الخروج ،،، انا عندي ولد عمره سنتين الحين ،،، واستخدمله عربه للطلعات ،، ثقيلة نوعا ما ،، بس ممتازة

وانا عقب شهر بربي

فمحتاره ،، اشتري عربه مال التوام علشان احط الاثنين مع بعض ؟؟

والا اخذ عربه خفيفة لولدي اللي عمره سنتين ،، والعربه اللي عندي استخدمه للبيبي اليديد ؟؟

شوروا على ،،،،،،،،

شكراااااا

حبوبه سنتين مايحتاج عربه خليه يمشي احسن عقب بيتعود ع العربه ولد اخوي ماشاء الله كتكوووووووت عمره سنه وشوي ويمشي وفديته

السموحه

الغالية شو الي يريحج حبوبة

هلا اختي

انا عن نفسي استخدم العربه الخفيفه لولدي عمره2 وشيء
وبنتي عمرها 3 شهور عربة ثانيه

بس

وولدي مب دوم اخذ له عربه
اكثر شي اخليه يمشي

اما المكان اللي بطول فيه مثلا اتسوق ووغيره
احطه في العربه

ترا انا كنت افكر نفس الشي

مب دايما احطه فالعربه

حسب المكان ،، وقلت ان العربه الخفيفة بتنفعني بالسفر

بس ريلي ايقولي احسن العربة مال التوأم ،، فكنت محتاره

شفت في كتيب مذركير عندهم العربات اللي يكون فيها كرسيين واحد للنيو بورن والثاني للاطفال الاكبر .. ومايكون نفس عربانات التؤام اللي كرسيين جنب بعض لا
يكونن الكرسيين ورا بعض .. حسيته حلو وعملي ما بياخذ مساحه بالعرض وايده ,. وفي نفس الوقت البيبي بيكون جدام عيونج

بشوف جان حصلت صورتها فالنت بحطها لكم هني ..

انا بنتي عمرها سنتين والحين قريب اربي وافكر اني اشتريها لانها عمليه

تقريبا شكلها نفس هذي