الــــــــــــــــــدوام~~@~~ بين الوزارة والمعلم والطالب~~@~~ الطـــــــــــــــويل 2024.

أولا نشكر وزير التربية والتعليم على جهوده المبذولة في تحسين التعليم وتحسين مستوى أولادنا وتهيئتهم للمستقبل.
ولكن سيدي القرارات الصارمة التي تصدرونها دون أخذ رأي الميدان من المعلمين والطلبة وأولياء الامور قرارات صعبة جدا يعني هذا المعلم بدلا من أن يُشكر ويُقدر يُضغط عليه بالدوام الطويل و مزيد من الأعمال الإدارية من ملفات وإعتماد أكاديمي و مناهج جديدة تريد المزيد من الجهد و الوقت للتحضير و الإبداع والمشاريع و الأمر الذي لا يقل أهمية من السابق هو إلغاء الإجازة العارضة ( ليش المعلمين موب بشر يمرضون وحالتهم النفسية تتعب و…الخ)و الأمر من هذا كله أن المعلم هو الممرض يعني من جماعة مكافحة أنفلونزا الخنازير يعني مش بس ملفات المادة وملفات الإدارة وشغل الإدارة وأيضا فوق هذا كلة ملفات للمرض يعني كم طالب في المدرسة ناخذ أسماء أهاليهم وأرقامهم و…. الخ الشغل اللي ما يخلص ( يعني اللحين الممرضين خلصو من الدولة علشان يكون المعلم هو الممرض ) أكيد المعلم لازم يكون (فل أوبشن) وهذا كلة بدون زيادات في الرواتب ولا شي في صالح المعلم وإذا يبا يستقيل المجال مفتوح (في قائمة الانتظار واااايدين) وهذ غير مأساة المعلمة اللي عندها صغار في البيت لازم ترجعلهم بنفسية طيبه وسعيدة والزوج أيضا الله يعين بس.
ألحين أي جهة عمل تريد الإبداع و التميز والمنافسة الشريفة قبل أي شيء تهتم بالموظف وتهيأ له كل شي وتحسسه أنه مهم وله مكانته لكن الحاصل في التربية والتعليم العكس … لين متى بنتحمل ؟؟؟؟؟؟؟؟؟؟؟؟؟؟؟؟
والطالب المسكين اللي يشتكي من المواد وصعوبتها والحين من الدوام الطويل وأشياء كثييييرة تعبنا أحنا المعلمين وأولياء الأمور والله يعين على تطوير التعليم (المفروض نفكر في الكيف وليس الكم يا ناس).
أرجو أن الكل يتكلم وأدخلو الفيس بوك و شاركو وأتصلو بالوزارة رمسوهم وعسى أن يراجعون قراراتهم . يا رب
ويا معلمين ومعلمات ويا طلبة و يا أولياء أمور شاركونا وأعطونا آرائكم.

وأنا بسبب الدوام الطويل والقرارت الظالمة في حق الطالب والمعلم قررت تقديم الاستقاله على الرغم من أني قضيت أحلى سنوات عمري في شغلي بس بسبب هالقرار ما أقدر أخلي عيالي لين العصر شو ذنبهم يوم أيون من المدرسة ما يلقون حد يترياهم ويغديهم ويراجعلهم ما أقدر أضحي بعيالي عشان شغلي اللي ما بستانس فيه بسبه القرار

مشكووووورة أختي همس الورد على الرد

وأنا بعد أفكر أستقيل واريي مثل رايج 100%.

كل الكلام الي قلتيه صح
إن شاء الله حد يسمعنا

الحمدلله أن الله رزقني بشغله غير التدريس ولا جان عانيت شراتكم
ونحن حاسين فيكم لان خواتي مدرسات ماأقووووووووووووووووووووول غير الله يعينكم على مابلااااااااااااااااكم
الصراحة انتوا انظلمتوا بهالقرارات ، والمشكلة أن كل شخص يلس ع الكرسي قال أنا بطور وبدل ما يكحلها عماها
والحين انتوا يا مدرسين وطلبة تدفعون ضريبة التطوير على حساب صحتكم وبيتكم وعيالكم ، المفروض قبل لا يطبقون القرار يوزعون استمارات للمعلمين وأولياء الأمور لابداء رايهم بالموضوع يمكن تكون هناك مقترحات أحسن من اللي يالسين يسوونه فيكم الحين.

الله المستعان والله يعين الجميع
اشتكوا خلهم يحسون بمعاناتكم المفروض الكل يتكلم والا ما في شي بيتغير..

الله المعين