الغاليات عندي مشكلة وريد فزعتكن
انا من زمان كنت اشل شعر المناطق الحساسة بموس ومن ثاني يوم يظهرلي حبوب وحكة لا تطاق
وما اكمل الاسبوع الا والشعر ظاهر يعني عذاب بمعنى الكلمة
وجربت الحلاوة واوكية الوضع احسن بس من فترة سمعت انه الحلاوة تجيب امراض وترهلات وغيرة وانا والله هب قادرة ارد حق الموس لاني صدج اتعب اتعب اتعب والله انا من ثاني يوم ما ارقد من الحبوب والحكة ولا تقوللي احط كريم لا ماقدر
ساعدني فديت خشومكن ….
والسموحة
لا استخدمى الحلاوه
ماايج شى ع الويه هيه تسبب ترهل بس جسمج لا
او استخدمى الشمع فييت اواله بروان
بس استعمليه صح
ياريت اتحطين طريقة استعمالج للموس
انا بقول لج تجربتي معاه وللعلم ان بشرتي بسرعه تتهيج
هالطريقه انشالله تريحج وتفيدج
اول شي اخذي شفرات نوع زين
ولاتكررين استعمالها اكثر من مره لان تتكون عليها الجراثيم والبكتريا
اول شي الشفره قبل لاتستعملينها نقعيها شوي بزيت زيتون …. مهم جدا جدا جدا انج تنقعينها ما راح اتهيج البشره بعدها
ثاني شي اغسلي المنطقة بماي دافي مع صابون طبي اغسليها عدل
وعقب حطي جل الحلاقة النسائي عالمنطقة او ممكن رغوة صابون او حتى زيت زيتون
وانا استعمل جل الحلاقة النسائي وبعد ما تخلصين كامل تردين تغسلين المنطقة عدل تنشفينها عدل عدل وتدهنينها باي
زيت عندج زيت زيتون زين جونسون المهم لاازم تدهنين المنطقة بعد الحلاقة.
ولا تلبسن الداخلي الصغير الي يحك منطقة البكيني
البسي الهافات الفرنسيه اللي تكون فوق الركبه بشوي النوعيه اللي عند نعومي حلوه ومرررريحه قطن
دايما ويوميا بعد ما اتغسلين المنطقة لازم نشفينها عدل وتدهنينها يوميا يوميا …
احنا جلد ايدنا وريلنا اذا ما دهناهم يتهيجون ما بالج بالمناطق الحساسه!!!!
وان كان ان الشعر يطلع بسرعه صح يطلع يعني خمس ايام ويبدي الشعر يطلع وهذه ما عندي لها حل
حبيت احط تجربتي انشالله اكون فدتج
فديتج الاساور انا سويت هذا كله وانا وايد من النوع الي يهتم بنظافة الشخصية لدرجة كبيرة
الحمدلله ما اعني الا من هالمشكلة
بس انا افضل الحلاوه