الفزعه ياهل الفزعه "الحليب المناسب لأبني"

وعليج السلام عزيزتي ..

بالنسبة للحليب إذا مناسب ولدج لا تغيرينه .. و إذا لا غيريه ل s26 الجولد و الأغلبية يستخدمون هالحليب..

المراضع كلها وحدة ماشي فرق ما بينها .. بس المصاصة (حلمة المرضاعة) خذيها ماركة PIGEON و حجم M (وسط) ..

أنا مريت بنفس الحالة مع ولدي .. و كان السبب ان الحليب دهني وما يطلع زين من الحلمة.. و يوم خذت هالحليب ارتاح وياه ولدي .. بس يكون جولد مش العادي .. لأن العادي دهني بعد

الغالية ما دام ولدج يمص المرضعة لفترة طويلة
معناته متقبل المرضاعة
بس يوم اتشيكين تلقينه ما شرب غير رقم واحد
معناته إن فتحة الحلمة مالت المرضعة صغيرة
والحليب غليظ علشان جيه ما يطلع ويتم ايباغم
شوفي أحسن مراضع لليهال وتكون حلمتهم
شرات حلمة الأم هي مراضع NUK
وبتلقينها مكودة في محلي بيبي شوب
وما يتعب الياهل وهو يمص منها

بس يوم تختارين انتبهي للحلمات في حلمات
للماي وللحليب وبتلقين مكتوب ميديوم أو سمول أولارج
على الحلمات
وأنصحج بحليب ميلوبا استعملته لكل عيالي
رووووووووووعة بمعنى الكلمة

شوفي الغاليه ترا مرات يكون من الحليب لانه ربيعتي تعطي ولدها حليب نان ومب شي دوم يرجعه لانه بعض انواع الحليب يكون ثجيل ع الجبد

انا قبل يوم ولدي كان تحت الست شهور اعطيه حليب S26 اللي ايي رقم واحد والحين ولدي عمرة 8 شهور واعطيه رقم 2 اللي اسمه بروميد جولد

اشوفه وايد زين ماشالله عليه من يوم يبته لا رجع وشي ويتقبل الحليب بسرعة لانه سريع الهضم وفيه تركيبه اللوتين اللي يساعد ع دعم عيون الاطفال

وعن المراضع انا استخدم بيجون احسن شي وبتشوفين انواع الحلمات بعد ماركة بيجون شوفي ولدج كم عمرة الحين وعطيه الحلمه المناسبه … فيه من شهر لين 3 شهور وفيه من 5 شهور وبعد فيه من 8 شهور على عسب عمر الطفل

ان شالله اكون ساعدتج

انا ولدي عمره شهرين ونص … ويوم عطيته مراضع بيجون حسيتبه ما يرضع وايد مادري الحلمه شوي طويله عليه وما يرضع عدل … سرت محل بريمامان …وحصلت عندهم مرضعه اسمها ( tomme teppee ) بالضبط مثل صدر الام .. وايد حلوه واليهال بسرعه يتقبلونها … وهذه صورتها … انصحج تاخذين الصغيره اول …

وعن الحليب … استخدم بيبيلاك اي سي .. وهذا ضد المغص وما يسوي امساك ابدا … ومكتوب عليه للعنايه الاضافيه للرضع .. والدكاتره دوووم يمدحونه لنه ما يسوي غازات ابدا …

انشاءالله تتوصلين الى حل انا بعد شاكه في الحلمة ما المرضعه يمكن صغيرة

يعل دااااارج الجنه يا ربي
تسلمين يا الغلا وجزاج الله ألف خير
شكلي بغير الحليب وبشوف
ومثل ما قلتي يالغلا غيرت الحلمه وصار تحسن في الرضاعه.
^_^
أحبج في الله
ويعل عمرج طويل يا ربي
ويخليلج ولدج ويبارك فيه
ويجعله من الأبناء الصالحين والبارين بوالديه
ولا يرويج فيه مكرووووه