https://www.youtube.com/watch?v=gPdwtfJXekA
عقبال عندنا
عندنا ثقافه البيبي و الانستقرام توب
و القراءه فروها بحر ..
انا اخذ كتب حق بنتي تستانس عليهم ..
بس احس الي يجوفوني يضحكون ..
خلهم يضحكون لين باجر ..
الكتاب قيم و انا عندي مكتبه صغيره وان شالله اكبرها ..
انا احب القراءه من ايام المدرسه الابتدائيه
في ابله كانت تعطينا درجات النشاط ع عدد الكتب الي نستعيرها ..
وكانت فكره حلوه .. ها في ال 98 تقريبا كنت صف رابع .. يعني قبل سالفه النموذجات و مدارس الغد ..
و هالشي طوووور ..
كنت فالجامعه وقت الفراغ اروح المكتبه شي حلو كنت اقرى و يطوف الوقت وانا مستمتعه ..
غيري كان يدشون الجات هههههههههههه
كنت اتريا المكتبه اليديده في جامعه الشارجه تفتح لانها مبنى كامل كنت متحمسه بس للاسف تخرجت قبل لا يفتحونها ..
انا اختي احلى للحين ماصدفت حد يضحك علي يوم اقرا يعني الحمدلله
بس البنات ايام الجامعه او الي كنت اعرفهن مايقرن
يفضلن الامور العمليه يعني الشغل والدراسه حتى كتب للماده من برع مايقرنها !!!!! الا اضطرار يمكن عباقره
انا يوم كنت صغيره كنت احب يكون عندي كتب القصص
بياض الثلج وسندريلا وكرستوفر كلمبوس
واحب المجلات المصوره مثل ماجد
وكنت اتمنى يكون عندي كثير كتب مصوره مااعرف ليش بس طبعا لم احصل على ذلك بس ماجد وباسم كفايه!!!!!!!
اتذكر كنت اقول لامي تشتري لي! لان يمكن الطفل العادي يحب يقرا او انا احب اقعد اقرا بصوت عالي
وسجل صوتي يمكن عشان طفله!
بس
يوم دخلت جامعه اتذكر كنت اريد كتب تطوير الذات عشان النفسيه كانت تعبانه ومراهقه فتعرفت على كاتب اسمه باولو كويلو
كتاباته حبيتها ومن هناك صرت اقرا بس مب شي بروفيشنال يعني روايات النازله في السوق اذا في شي يشدني
كتب عن شخصيات ونفسيات البشر
كتب تاريخيه وسير
بس مشكلتي اخذ وقت في الكتاب يعني ماخلصه
بس طبعا لو في حد يشجع على القراءه والربع يقرن كنا واو مخلصين صناديق الحين
بس مااعرف
الحين احس الناس تغيرت شوي
اشوف في مكتبات فيها كثير كتب
واشوف شباب يشترون الكتب
زمان اظن ماتلاقين قليل!
الحين الكتاب عليه طلب والدليل الاسعار
كتاب بخمسين ولا ستين درهم
مثل شيفرة دافنشي كتاب سو عليه ضجه عشان موضوع المسيح
ولكن لو قريتيه كتاب مافيه شي! يبعونه لك يمكن بخمسين وفوق !
يعني انا كنت اخذ الجريده واقرى الاخبار و احب استراحة الجمعه كنت احب اعرف عن العالم الخارجي بالقراءه قبل لا يدش النت …
ومع هذا مسكتي للكتاب غير .. المعلومه غير ..
يعني ما احس نفسي اقرى يوم امسك الفون وانزل كتاب ..
احب اتصفح و احط علامات …
الكمبيوتر شي حديث وسهل الحياه حتى في علوم صارت محببه للنفس من خلال الكمبيوتر
بس كتب! مااتصور
يعني ماتحمل اقرا من الكمبيوتر اصلا !
كيف يقرون منه
الكتاب ممكن تمسكين ورقه وقلم وتكتبين افكار عنه في نفس الصفحه او تحطين ملصق
وتشترين حتى فواصل ملونه
يعني كشخه القراءه
بس الكمبيوتر صارت ذكاء مب قراءه!
وصح القراءه من الطفوله احسن
يصير عنده الكتاب شي عادي
يستسهل يقراه
الحين يوم تقولين لواحد يقرا كتاب
من 200 صفحه ردت الفعل تكون 
كانك يعني شو مسويه فيه
حتى لو كتاب ماتحبينه في له طريقه للقراءه !
يعني يعتبرون بس المثقف هو الي يقرا !!!!!!!!!!!!
ويتوقعون بس الي يقرا يعني واحد هادي وفاهم
مب ضروري
!
القراءه تدل على صاحبها
وكل واحد وذوقه
في انسان يقرا كتب بساعات قليله ويفهمها وكل شي
بس مايطبق الي فيها
حتى القران الكريم مايقرونه الا في رمضان
ومايطبقونها! فاتحين مراكز تحفيظ قران
بس
لو يفتحون مركز العمل بالقران كان احسن