امس سرت المدرسه اعطي ولدي كتاب E ناسنه قالي عندنا امتحان انصدمت
ورحت عندها بكل ذوق ابله عندهم اليوم امتحان قالت لا قلتلها لو سمحتي يوم عندهم شي خبرينا بورق او خلينا نتواصل اخرالأسبوع بورقه اسمها لقاء الأسبوع رفضت وقالت كل مدرسه لها اسلوب وانا يديدة او مستجدة بعد حوار قلتلها ان يجب ان تسأل وهولاء اطفال الصف الثالث قالت لا هم كبار مش اطفال صراحه ارتفع ضغطي معها قلتلها اذا عاملتيهم جذيه بخبر المديره …………..
قالت باجر امتحان املأ قلت شو يعني{ امتحان املأ} على العموم حفظ ولدي خليته يحفظه مثل اسمه ………………..
وبعدين الظهر ياك ولدي وهوحزين وايديقول المعلمه آخر الحصه سوت الأملا ء
ومع حشر ة الأولاد ودق الجرس بس كتبت كلمه وحدة والمعلمه اخذت الورقه
مني وانا اكتب بييب صفر حرام والله انه وايد صاح وقلبي عورني عليه وعلى نفسي لأني وايد تعبت معه {على فكره ولدى من النوع الذي ما يركز ولا يسمع بالحشره والأزعاج} خبروني شو اسوي اكلمها اواكلم الأداره او انقل ولدي مدرسه ثانيه ……….خبروني والله وايد تعبانه لا طنشوني مثل المعلمه ما طنشه ولدي وعلى فكره ولدي وايد مسالم بشهادة الجميع مش انا
وهي معلمه يديده ما سوت ولا وسيله شرح حتى الألوان من الكتاب علمتهم
الله يكون بعونج
انتي كلمتيها وماشفتي منها فايده سيريي خبري الادارة
وبعدين اذا تبا تسويلهم املاء المفروض تسوي بدايه الكلاس لانه المخ يكون فرش مب ع نهايته الياهل يكون مخه مشتت بين درس اليوم ودرس امس
هذا قصور من المعلمه
ولدي السنه الماضيه كان في مدرسه نموذجيه
وكان المدرس يبعث رساله لولي الامر ان اليوم الفلاني امتحان في الماده الفلانيه
من الصفحه كذا الى الصفحه كذا
مع ان ولدي كان في الصف الرابع
ونفس الشي بنتي الصغيرونه في مدرسه نموذجيه كانت المعلمه تدبس ورقه مثل رساله للأهل عن وقت الامتحان والدروس اللي بتدخل في الامتحان
وبنتي الكبيره كانت في الصف الخامس السنه الماضيه نفس الشي اخطار عن الامتحان
يعني هييله ثلاث مدارس مختلف تتبع نفس النظام
سيري للوكيله وتوكلي على الله
في بعض المدرسات اذا ولية الامر شككت في اسلوبها او تدخلت فيه او علمتها شو المفروض يصير يحطن بالهن مع الطالب مسيكين