طريقتي الحالية : افور ماي ، احط ملعقتين قهوة ، واحط في الدلة هيل، وبعدين اصب القهوة على الهيل ..
كيف اضيف الزعفران؟ وكم اخليه يفور يعني عسب ما يصير مر وفنفس الوقت ابا يكون له طعم
الحين الاسئلة العامة ياليت تخبرونا
شو احسن زعفران ومن وين
شو احسن قهوة ومن وين
ومشكورات 
ع طووول مسؤولي يقول لي اذا ممكن تسوين القهوه بيونا ضيوووف ويبون القهوه من ايدينج
المهم
بغيت اخبرج ان القهوه ( القهوه سيلانيه مع الهيل ) اخذها من محمصه الصوفي و الزعفران من عندهم بعد
اما بخصوص التمر طبعا تمور خت مااخذ غيرهم وموليه واذا ااخذ باخذ خلاص او نبوت سيف فقط
طريقتي :
املي الغوري نصه ماي واخليه يفور ويفور ويفور ويفور اروح اجهز صينيه
صينيه + المفرش+مله التمر + مله غسول فيها 6 فانيين + معمول بطريقه مرتبه وغاويه
انزين عقب احط 6 او مرات 5 ملاعق شاي من القهوه واخليه يفور طشونه اروح احط الزعفران بالدله واصب فوقه القهوه
احط 6 ملاعق لان عندنا بالدوام يحبون قهوه غليظه كلهم مادري ليش وماشاء الله يوم ايوونا يقولون للمسئول ريحه القهوه شاله البنايه تروحها من بعيد
وهييييييييييييييييييييييييييييييييييييييييييييييك
وافضل قهوة عند المطاحن بس في ناس تحب تشتري الحب وتحمصه بالبيت وتطحنه
مشابهة لطريقتكم
يعني ماء تغلينه بعد مايغلي تحطين القهوة على حسب الماء ممكن تخففينها ممكن تثقلينها
و?ثـ?جة القهوة تحطين الهيل والزعفران
او نستبدل الزعفران بالخلطة
واشتهرت عندنا الخلطات تعطي للقهوة طعم و? اروع
مَ ادري إذا تستخدمون الخلطات او لا
بس الان احنا مانستغني عنها بقهوتنا