السلام عليكم والرحمة
شحالكم .. شخباركم .. عساكم بخير
.؟!
بغيت أطرح هذا الموضوع عسب الكل يستفيد
انا جربت
الكربوكسي : وهو يكون للهالات السوداء اللي تحت العين ومب للحفرة ، بس للون إن على أساس يخفف السواد ، وكانت النتيجة أبد ما في فرق ، ولا جني سويت أي شي .
الفيلر : هو للحفرة اللي تكون حول العين مب للسواد [ اللون ] ، و أنا بعد جربته وهو يسوي شغلة وااااايد ، ويتم من 4 – 6 شهور ، بس اللون الأسود يتم طبعا ، لأن هم بس يعبون لج مكان الحفرة .
الكريمات : طبعا أي كريم نستخدمه بانتظام أكيد تطلع لنا نتايج حلوة ، بس للي هالاتهم وراثية الكل طبعا عارف إن ما يسوي شغلة أبــد وانا هالاتي وراثية .
و أنا اللي أبيه الحينه أي علاج يسوي شغلة ويكون للسواد لأن عن سالفة الحفرة اسوي الفيلر وخلاص بس السواد ماعرفت أي علاج اسويه عسب يروح اللون الأسود .
فطرحت هذا الموضوع عسب اللي تعرف أي شي تقدر تفيدنا فيه طبعا غير الـ " الكريمات "
و الـ " كربوكسي " ، ياليت تكتب لنا عسب أستفيد واللي عندها نفس المشكلة تستفيد .
كمآ بشرت ْيعقوبْ بـ يوسفْ
وبشرنيْ بـالفرحْ
كمآ بشرتْ زكريآ بـ يحيىْ
اللهم أهدِ أُمنيآتي إفآقة من سُبآتهآ وقل لهآ ( كُوني) !
قالتلي عندها كريم اسرع بس بــ 500 دررهم ما جربته^^
لأن اللي هالاتهم وراثية الكريمات ماتسويلهم شي ، وانا وراثية
اشحالج اختي،
بخصوص السواء اللي تحت العين انا رحت عند الدكتورة سعاد لطفي وعطتني كريم يغطي ويخفف السواد بالاضافة إلى كمادات ما عندي الاسم اللحين انشالله بس بتأكد وبقولج في اسرع وقت.
بس سؤالي بما أنج مجربه الفلر نصحتني الدكتورة اني اسوي بس مترددة وخايفة وااايد يعني اباج تشرحيلي الطريقة والنتيجة متى تطلع وصح شكلج يتغير والسواد يخف.
شكرا لج،،