بس النتيجة تستاهل التعب
الكسكسي على الطريقة الليبية زي ما تعلمتها من امي يعني مش اكيد تكون زي طبيخ الليبين يالزبط بس طبخة لذيذة و مفيدة كتير
اول شي بتسلقي الجاج مع الخضرة و البهارات
بصل جزر قرع بطاطا و كوسا
انا عملتها بطنجرة الضغط عشان السرعه
بس يستوي الدجاج اخذت جزء من مرقة الدجاج عشان ابخر الكسكسي عليه
تمي تاكدي من مستوى المرق و زيديه ماي لينشف و تنحرق الطنجرة مثل ما صار معي 
بعد ربع ساعة تبخير تنزلي الكسكسي و تحطي علية شويت زبده و تفركيه كويس حتى تفك حبات الكسكسي مزبوط و بترجعيه يكمل طبخ على البخار و بتعيدي هالحركة كمان مرة بعد شي نص ساعة
بهالوقت بتضيفي معلقتين رب طماطم للخضار و شويت حمص حب و بتزبطي ملح و بهارات الاكلة و بتخليها تغلي شوي
بس يستوي الكسكسي بتسكبيه بصحن للتقديم وصحة و عافيه 
احنا عنا أكلة تراثية فلسطينية اسمها ( المفتول ) بنستعمل فيه الكسكسي نفسه بس مع فرق المرقة بتكون عبارة عن حمص وبصل وطماطم مطبوخين في شوربة اللحم ,,
وطبعا شي شهي روووووووووووووعة …
هيا المشكلة في هالأكلة انه الكسكسي اللي هو حبات الطحين اللي بننخلها في منخل الطحين أو خلاطات الخ ,, طريقة عملها هيا الصعبة واللي بتاااااخد وقت ,, انما الكسكسي صار ينباع جاهز الحين ,, فهل استعملتي كيس جاهز ؟..
وتسلم الأيادي أكيد عالوصفة وتسلم الوالدة
,
,