الكلية ولا الجامعة !! 2024.

بسم الله الرحمن الرحيم

السلام عليكم ورحمه الله وبركاته

شحالكن صباياا ..؟؟! ربكن بصحـه وسلامـه !

انـا بعدني فالمدرسة وباقلي سنه وبخلص منها

بس بغيت اتخبركن شو احسن ادش الكلية ولا الجامعة ؟؟ وكلهن نفس الشي ولا شي اختلاف ؟؟

انا من رايي الكلية احسن لانه مبنى واحد وكله مع بعض و اريح ودراستهم سهله

وسمعت ان اذا كنتي ناجحة فالسيباا ويايبة فوق درجه معينه تدرسين فالكلية يعني تبدين من دبلوم عالي اظن 3 سنين وعقب جان بغيتي تاخذين بكلريوس تزيدين سنه بس

اما الجامعه تربعين من مبنى لمبنى ويقوولون دراستهم صعبة وتتعبين وكله مذلة وظلم

بس اهلية يمدحون الجامعه وايد مادري ليش ؟؟! ويبوني ادش الجامعه

والحين الكلية والجامعه يطردون على اتفه الاسباب لكثرة البنات ..

الحين شوورن عليه شو الاحسن ؟؟

واللي اتعرف شو التخصصات الموجوده فالكلية اتقولي غير عن التربية و ادارة الاعمال وهالسوالف !

يلا انتظر ردودكن ^^

وعليكم السلام ورحمة الله وبركاته

اول شي انتي شوو حابة تتخصصين … لانه في تخصصات تكون متوفرة في جامعة وماتكون متوفرة في كلية او العكس

وبعدين انا افضل دراسة الجامعة .. طبعا اقوى واحسن .. والصعب موجود في كل مكان سواء رحتي الجامعة ولا الكلية انتي وشطارتج تخلين الصعب سهل

هلا حبوبه
أول شي شوفي شو التخصص اللي أنتي حابه تدخلين له لانه شي تخصصات موجوده بالجامعات ومب موجوده فالكليات

والله يوفقج يارب

انصحج بالجامعه .. لأنج تقدرين ترتبين جدولج مثل ما تبين وتختارين المواد اللي تبينها .. بس الكلية انظمتهم وااايد صارمة ويشددون على الغياب والتأخير .. والدوام طويييييل

ابصراحه ماعرف لين الحين ماعرف شو بتخصص لانهم كساعه يسوون تخصصات يديده

بس انا حاطة فبالي نظم اغذية هذا اللي فجوه يديد او صيدله

بس سمعت فالجامعه وااااااااايد ظلللللم

اختي انا بقولج وعن تجربه الكليه هييه اللي فيها مذله وظلم وع اتفهه الاسباب يطردوون وتعالي جوفي انا درست فيها سنه وحده وماقدرت اكمل فيها من الظلم والمذله اللي فيها كل يوم والثاني يهددونج بالطرد ولا بالتوقيف واحينه حولت جاامعه بالعكس اريح واحسن بوااايد من الكليه والشهاده تظمنينها والانجلش فيها حال الكليه بالعكس الجامعة تضم تخصصات اكثر وكليات اكثر بعكس الكليه اللي فيها تخصصات محدووده ,, الجامعه قوانينها مش صاااارمه كثر الكليه وفي تهااون عند بعض المدرسين اما الكليه شوو ماكنتي شاطره عندهم مايتهاونون وياج والقوانين قوانين عندهم لو شو حتى لو عندج عذر مابيخلونج تعيدين الماده ومن غير التوقيف والطرد ربيعاتي نصهن يا مطرودات يا موقفات وكلامي هذا عن تجربه ومن اللي جفته وف النهايه استخيري ربج وجوفي تخصصج وشوور اهلج والسموحة لاني طولت عليج ,, واي استفسارات ثانيه انا حااظره سواء عن الكليه او الجامعه بحكم اني دارسه ف الاثنين ,, الله يوفقج

فديتكن مشكورات عالنصاايح والله استفدت منكن وايد وعرفت خلفية عن الكلية والجامعه ^^