أنا تزوجت هالسنه والله رزقني وحملت بسرعه
وطول فترة حملي اراجع عند الدكتوره ماجده اللي في مستشفى النور اليديد اللي عند كارفور
المهم وصلت الشهر السابع والدكتوره سافرت شهر 7 وقبل لاتسافر شيكت على البيبي وكان كل شي اوكي
كنت اعاني من الالتهابات مالت الحمل بعضهم يقولون لان بكر واول حمل لي
المهم الدكتوره من هني سافرت وانا من هني تبهذلت من هني
ياني نزيييف فضيييييييييييييييع فضييييع يابنات الله لايراويكن
سرت مستشفى النور عند الدكتور بشار طواري طبعا لاني خفت وياريتني ماسرت له
طلع 100 عله في البيبي انه مشوه ويمكن مافيه كلى ….الخ اشيا وايد وانه مايعرف سبب النزيف وشفنا البيبي ينبض في الاسكان
عقب تميت اصيح طبعا الموقف صعب علي وتميت ادعي الله فيه خير الله يقدره لي
كنت ابا اتاكد رديت النور عند الدكتوره اماني سودانيه غرفتها عدال غرفة الدكتوره ماجده
وبعد ياريتني ماسرت لها قالت الجنين ماينمو حجمه وايد صغيييير وماينمو وعندي فايروس وماتعرف شو سبب النزيف
مع اني كل شهر اراجع عند الدكتوره ماجده وتسويلي فحوصات كل شهر دم وبول الله يكرمكم
ولاتقولي شي غير الدم شوي ناقص والالتهابات
رديت البيت وطبعا ولاسووولي شي لا ابر ولا مثبتات ولا شي
رديت البيت وزاد علي النزيف ورحت الكورنيش ورقدوني تخيلوا 4 ايام انزف في الكورنيش ولا عطوني شي
بس يسوولي سكان ونبض البيبي وكل شي اوكي
بتاريخ 237 يتني آلام الولاده من الساعه2 ونص في الليل ونا أتألم لاني ماادري انها الام ولاده لين الساعه 6 الصبح وخبرت امي وامي عرفت انها آلام ولاده خبرنا السيستر شافت قالت الرحم مب مفتوح والنبض في قلنا نبا الدكتوره قالت بعدين بتي
المهم اتالم انا لين الساعه 9 ومايات الدكتوره الا والراس طالع تخيلوا ولا نزل مني ماي والدكتوره وه عراقيه تقول يلا هيو الراس طالع لين طلع البيبي يابنات تخيلوا حطوه بكيسه عند ريولي
لين تطلع المشيمه وطلعت المشيمه ورحت العمليات عشان التصفيه
وعقب طلبوا تشريح البيبي عشان يعرفون سبب نزوله طبعا رفضنا وطلبت اشوفه عشان اتاكد من كلام الدكتور بشار والكتوره اماني وشفته طويل ماشاء الله وكامل والكامل الله ولافيه شي من برا والله عالم من داخل كيف اوضاعه
المهم طبعا الجنين مات لانه طلع بكيسه
عقب قالت الدكتوره هاي العراقيه ان عندي مرض الزهري !!!!!
طبعا لاتعليق وحصلت الكلام اللي تستاهله من ريلي
طلعنا من المستشفى وارتحت في البيت وبعدين آخر شهر 7 ردت الدكتوره ماجده من السفر ورحت لها
عطتني 100 سبب وسبب قالت اولا لازم الكيس ينخرم من تحت عشان الماي يطلع
يمكن عندج الرحم صغير والبيبي كبير ويظغط عليج وسبب نزول الدم
المهم اهتمت فيني وسوت لي اللازم
بصراحه دكتوره مافي مثلها انا اشكرها على جهودها واللي يالسه تسويه
حتى مرضاها واااااااااايد ومتى ماتبينها تلاقينها
شرايكم في اللي استوالي؟؟؟؟
حسبي الله عليهم
الله يعينج انشالله ويصبرج
ويرزقج بالذريه الصالحه المعافاه كامله الخلق بلا زياده او نقصان
آمييييييييييين
عسى تكرهوا شيءا وهو خيرا لكم
عورتيلي قلبي الغاليه .. والله يعوضج بتوأم عن اللي راح .. الغاليه تراه هالتحف اللي اييبونهم البلاد ..
حسبي الله ونعم الوكيل ..
ليش يسوون في الناس جذي ما يخلونهم يفرحون بعيالهم ويخلون الواحد يحاتي طول فترة الحمل حتى أنا والله طول حملي أحاتي أخاف إنهم ما يقولون الحقيقة وننصدم في النهاية ، أهم شي نوكل أمرنا إلى رب العالمين هو العالم بحالنا ونطلب رحمته