ان شاء الله وباذن الله مسافرة الكويت باجر وحابه استفسر عن الاماكن السياحيه والمجمعات اللي لازم ما افوتهم …طبعا ما ابغي اسير مجمعات اللي فيها ماركات اللي بلادنا ممزوره بالماركات ..فابغي الاماكن الطبيعيه والمطاعم ..والمجمعات المحلية..
واستفسار ثاني عن الصوغه شو اقدر اخذ من هناك حق الصوغ …وحابه اعرف كيف الاسعار هناك .؟ هل هي نار ولا عادي.؟
والسموحه
مطعم الستينات-فريج صويلح-مطعم ريوق-مطعم بزه-أيام زمان
منطقة الفنطاس : (قريبه من الفحيحيل ) شاطىء العقيله او منتزه العقيله .
منطقة الفحيحيل : مجمع كويت ماجيك – مجمع الكوت – ومجمع المنشر –
السالميه القديمة : مجمع زهره – وفي محلات قديمة موجودة بالسالميه القديمه .
سوق الكويت مقسم لاثنين : السوق القديم ويسمى سوق المباركيه ، جميل ورائع . وفي سوق بجانب مجمع الصالحيه اسواق قديمه قديمة ، كثير حلو ، ومقابل مجمع الصالحيه في مجمع المثنى ان شاء الله يعجبج
وبعد في سوق الكويت : في سوق شرق انا عن نفسي احبه لان هادي وراقي
وطبعا عندج السالميه المارينا والافنيوز
المطاعم : ميس الغانم على شارع الخليج البحر مقابل الابراج ، وعندج الابراج ، برج الحمام ، كلهم على البحر ، وطبعا في مطاعم وااااااااايد على البلاجات يعني ( البحر )
اتمنى اني افدتج
انا بروحي ابا اعرف الاماكن الحلوة
سيري وخبريني عن الاماكن الحلوة انا سفرتي على 17 من هذا الشهر
قصر الحب الصراحه انصحج تسيرين الكويت وايد حبيتها جد جد حلوة وما تنمل..
اختااري فنادق قريبة من المجمعات..لانه بيتعبج التوصيل…
ولو تآجرون سياره وايد بترتاحوون لووول
نحن سرنا فريج صويلج اكلهم لذيذ وااااااااااااااااايد وسرنا المباركية يوم كامل ..وسرنا مجمع الافنيوز خيالي والله حبيت المجمع هذا …وجي يعني
ما مدالنا لان بس 3 أيام ويا ريت لو خلينااها أسبوع لووول
والله الكويت في قائمة الدول المقترحه للاجازة المدارس الفصل الاول
وكنت ادور موضوع يخبرني عنها ..
افدتوني ربي يسعدكن