اللــي يحب اللزانيـــا باللحم يرفــع ايــده و يخُش الموضوع دلوئتـي 2024.

هلا هلا حبيباتي

ادري ولهتن عطبخيـه

المهم هاي ثاني طبخــة انزلها فهالقســم من بعد غــياب .. بس انا مسوتنــا من زمان

اليوم فايجة وقلت بنزل الصور ..

طبعا الكل يعرف الطريقة صح …… صح!؟……… قولو صح . عسب ماحط المقادير

انزين شوفو وتشهـّو

+++++++++++++

حطـــيت الطريقة عسب خواتيه لا يزعلن …

اول بادي المقادير :

حشوة اللحم:
– لحم مفروم
– طماط مفروم
– بصل مفروم
– طماط معلب
– فلفل .. ملح .. بزار خفيف .. كمون .. مكعب ماجي ..

اول شي انحط الجدر و عليه اللحم بعد مانغسله ..طبعا الجدر خالي بدون زيت .. وحركي اللحم لين ماينشف مايه.. لو في ماي لو كان من النوع الناشف .. خلاص حطي زيت وعقب البصل وحركيه الين يحمر .. عقب حطي اللحم و بهريه باللي ذكرناه فوق .. عقب دقايق وبعد ماتشبع اللحم ونظى .. حطي صلصة الطماط و المعلب ويلسي حركي …لين ماتحسين المقادير تسبكت و جاهزة .. طبعا تذوقي عسب تعرفين للملج جان اوكيه ولا ..

مقادير البشاميل :

– ملة صغيرة طحين
– نص قالب زبدة
-ملح + ماجي مكعب + فلفل اسود
– حليب لتـر ولو لكمية لشخصين نص لتر
-جبن سايل

انيب الجدر ونذوب فيه الزبدة .. عقب نضيف الطحين ويلسي حركي لاتوقفين عن التحريك عسب لا ييمد
ويتكتل الطحين .. لين ماشوفين الطحين استوى اصفر ذهبي صبي الحليب عليهم وتمي حركي
بالاداة اللي تخفق البيض ..وحطي الملح والماجي .. والفلفل رشة خفيفة بس..
وحركي وحركي لين ماتحسين بدا القوام يثجل .. حطي ملعقتين جبن .. وحركي لين ماتحسينها خلاص
ثجلت .. بس تاكدي انها ما لزقت فقاع الجدر واحترقت . خلج شغالة فالتحريك .. وعقب بندي عنها ..

احينه انيب ورق اللزانيـــا + اللحم + البشميل + الموزاريلا + الاوريغيانو ( زعتر ورق ) + صلصة طماط معلب ..

هاتي البايركـــــس .. وحطي البشميل فالقاعـة يعني مسحة حلوة .. عقب حطي ورق اللزانيا وعليها كمية مفروم و شوية بشميل واخلطيهن ويا بعض ورشي عليهن جبن .. والطبقة الثانية نفس الشي.. لزانيا لحم وبشمل وجبن .. والثالثة .. انا افضل تكون الطبقات من 4 – 5 .. بس كمية البشميل خلوها معقولة .. عسب يلين ورق اللزانيا ..
اخر طبقة لازم تكون لزانيا وعليها طبقة من صلصة الطماط .. وعقب اخر شي البشميل ورشي الجبن والاوريغيانو ..
ودخليها الفرن .. اول تطبخ تحت عراحتها .. وعقب فوق ..
يفضل تطبخينها ببايركس زجاج شفافي عسب تعرفين لو استوت من تحت او لا ..

وهيــــك

وبالعافية عليكم ^^ اليوم بسويها للعشــا ^^

يمممممممممممممممممممم صدق صدق شعيتيني لاني احبها <<يعني طرشيلي خخخخخخخخ

تسلم اناملج ام سعيد

أنا أموت بها الأكله

بس أنا ما أعرف طريقتها

تامرين امر حبوبتي
وينج فبوظبي .. فمدينة خليفة ؟
لو لا خلاص سامحيني مابطرش هههههههههههه

حياج الله دبدوبتي ولازم ماتاكلين هالسوالف لان تنفخ اسوووولف ^^
شرفتيني غلايه

اهـاااااااااا يعني قصدج حطيلي المقادير يا قموز صح ؟؟
هههه من عيوني لو شفت وايد بنات يبن الطريقة بحطها لو لا بطرشلج عالخاص
وشرفتيني

انا بعد ابغي اتعلمها شهيتينا فيها

تامرين امر حبوبتي