شحالكم؟ عساكم بخير؟؟
خواتي الغاليات انا البنت الأكبر فالبيت.. والي بعدي كلهم صغاار.. ماعندي حد افضفض له غيركم..
فاتمنى منكم انكم اتساعدوني.. وتسمعومني.. واتشورن عليه ..
انا مشكلتي بدت من 4 سنوات.. الوالد حس انه البنت خلاص كبرت.. والمفروض انه تتزوج..
وكانو ناس يتقدمولي ويردهم بس جيه.. من غير مانعرف.. يوم انعرف ونسأله ليش ..
يقول مافي ريال في هالزمن يستاهل بناتي.. الشباب الحين مب نفس قبل.. وكلهم غلط.. ويسمعني مشاكل يسمعها من برع.. تقدرون اتقولون خلاص اتعقد.. مايباني اعرس لا انا ولا خواتي الي اصغر عني.. والسبب خوفه.. لكن هذا مب سبب انا عمري يالس يضيع.. تقريبا من سنتين اتقدمولي 3 ورا بعض وكلهم ابوية رفضهم وماصار نصيب.. من 5 ايام تقريبا اتصلت بي ربيعتي .. وقالت لي انها تباني لاخوها.. وانا استانست لأنهم ناس اوكيه.. وخايفة من الي بيصير.. ومن ردة فعل ابوية..
رمست اماية وقالت الله يهديه ابوج.. ماتم حد ماكلمه.. لكن ماشي فاايدة.. انا الحين محتارة..
وانا ابا هالولد.. لأن الكل يشهد ع اخلاقه.. ( بس ابوية اكيد بيطلع فيه عله) لأنه خايف علينا..
شورت عليه شو اسووي؟؟ وربيعتي بعد بعدها ماردت تفتح الموضوع معاي..؟
خبروني شو اسوي..؟ والله اني خاايفة ومحتارة؟؟ ارد اكلم البنت.؟ ولا لا؟ احس بتقول جوفو هاذي ماصدقت..؟؟ وابويه..؟ لاتقولن خليه امج اترمسه امي ناترووم له.. راسه ياااابس…
ولا تنسون تدعولي الله يرزقني بالريل الصالح.. ويكون هالريال من نصيبي,,
ويصير هالولد من نصيبج ويفرحون فيج
صلي القيام اختي وداومي على سورة البقرة الله يفرج همج ياااارب
قوليله قل لن يصيبنا الا ما كتب الله لنا
وربي يرزقج بالزوج الطيب ويكون هذا الريال من نصيبج
طمنينا عليج
القيامة ! لأن الخوف الزايد على العيال يدمرهم ما يصلحهم !
خليها تخوفه من الله . . تفهمه إن اللي يسوي غلط وحسابه
عند الله مب سهل . . الله يهديه يا رب . .