انا بصراحة وبكل أسف ربة بيت فاشلة في المطبخ
أخاف آخر شي ريلي يطلقني كله ناكل عند اهله او عند اهلي ولين بغيت اسوي له شي أسوي عرس في المطبخ وأخلص عقب سنة من الفلاحة :22 (18):
المهم
خاطري خاطري خااااااااااااااطري أضبط اللقيمات بس حاولت وحاولت وايد طرق وكل مرة افشل،،
خاطري اللقيمات يطلع عندي مب لين ولا يابس بين الاثنين وبشرط ان الطعم يكون روعة،، الصراحة أنا أسألكم لأنه الوالدة بعد عندها نفس مشكلتي رغم انه اكلها فديتها روعه لكنها لين اليوم ما تضبط اللقيمات،، أو بالأحرى ما اتطلعه نفس ما أنا أبااااااااااه
بليز اللي عندها طرقة اوكي تخبرني بالمقادير والطريقة
خاطري باللقيمات ،، أتوهم حلاوة وخرابيط يالله عاد 
المشاركة الأصلية كتبت بواسطة قصة 
انا بصراحة وبكل أسف ربة بيت فاشلة في المطبخ
أخاف آخر شي ريلي يطلقني كله ناكل عند اهله او عند اهلي ولين بغيت اسوي له شي أسوي عرس في المطبخ وأخلص عقب سنة من الفلاحة :22 (18):
المهم
خاطري خاطري خااااااااااااااطري أضبط اللقيمات بس حاولت وحاولت وايد طرق وكل مرة افشل،،
خاطري اللقيمات يطلع عندي مب لين ولا يابس بين الاثنين وبشرط ان الطعم يكون روعة،، الصراحة أنا أسألكم لأنه الوالدة بعد عندها نفس مشكلتي رغم انه اكلها فديتها روعه لكنها لين اليوم ما تضبط اللقيمات،، أو بالأحرى ما اتطلعه نفس ما أنا أبااااااااااه
بليز اللي عندها طرقة اوكي تخبرني بالمقادير والطريقة
خاطري باللقيمات ،، أتوهم حلاوة وخرابيط يالله عاد
هههههههههههههههههههههه ضحكتيني والله
حبيبتي اذا تبينه يطلع لين اعجني العجينه ابماي التمر او الدبس انا اسوي هذي الطريقه
بالنسبه للتمر ذوبي التمر ابماي وشيلي النوا وعقب صبي هذا الماي على العيين
بس اللقيمات بعد انا ما يظبطن وياي نادر اشوف حد ظابطه وياه.
اسمحلي
طحين وحليب بودر وخميرة وقيمر (قشطة ) وشكر وهال وزعفران وتخلينها تخمر لمده ساعة قاصر ربع
انا اول مره اكتب بالمنتدى وهذا كله عشانك عندي خلطه روعه اخذتها من وحده في منتدى ثاني الله يجزيها الجنه وين ماكانت حلت مشكله عندي مع اللقيمات
وهي في الخلاط :
3ملاعق طعام حليب بودر
2م ط نشاء الذره
1م ط خميره فوريه
1 بيضه
1فنجال سكر
شوية ملح
1فنجال زيت
كاس وثلاثة ارباع الكاس ماء دافي مو بارد
نضربهم لمدة 5دقائق بعد كذا يصب الخليط في زبديه ويضاف عليه 2كاس دقيق
يخمر لمدة ساعه ونصف الى ساعتين وراح تذوقين احلى لقيمات بحياتك
أنا كنت مثلج وكرهت إني أعجن أي شي بسبة فشلي فاللقيمات ..لييييييين خذت الطريقه من شغاله بيت عمي …
لقيماتها روووووعه مقرمشه ولذيييييييذه والسر في الخميره..
أنا بعطيج المقادير لكن الخميره لازم تكون من الخميره العاديه مب الفوريه ..
خذي المقادير وأمانه تدعيلي :
3أكواب طحين أبيض.
فنجان سكر.
ملعقه طعام خميره (عاديه )
ملعقه صغيره ملح
3 ملاعق حليب بودره
ماء دافئ للعجن.(يكفي ملئ جلاس الجبن )
الطريقه:
تخلط المقادير وتعجن بالماء ..
وتتركينها تتخمر عراحتها ..
وتقلينها بالزيت الحااار وسخونه الزيت هي السر في إن اللقيمات تكون مقرمشه..عقب صبي عليها الدبس أو الشيره حسب إنتو شوتفضلون ..
وبالعاااااااافيه .
طيحن رقم 1 + طحين رقم 2
بيضة
خميرة
ماء ورد
زعفران
هال مطحون
تعينين المكونات كلها بالماي لين ماتوصلين للليونه المطلوبه ………. اتخلينها تتخمر ……… وقبل ماتبدين اتسوينها خلطي العيين بملقة أو ملعقتين روب ………. وبشوفين كيف بيكون اللقيمات ……….
مدور وذهبي ……….. لقيمات ولا في الخيال ……….امممممممممممممممممم