مثل مااتشوف العنوان .. لا يروح فكركن انه يبت توام لالالالا..
الله يسلمكن بقوولكم اول شي كيف الله رحمني بسلامت ولدي ربي يحفظه ان شاااء الله ..
اليوم الاربعاء فليل جيه ع الساعه 12 ولدي عوره بطنه (( عمر ولدي 4 سنوات))ويتميت سهرااانه ويااه لييين الفير وبعد الصلاه سييييييد ع الطواري لان شفته انه تعبااان .. وتميناا فالطواري فحص ورا فحص و اشعه ورا اشعه لييين الساعه 12 الظهر قااالولي لااااااااااااازم عمليه ولا ولديج بيتعب اكثر .. واناا من الصدمه مب قااادره اصرف دمووعي وريلي يهديني يقولي مااعليه شر ان شاء الله لا تخااافين .. وعقب سألتهم شوو فيه الولد قالولي عنده انسداد فالامعاااء واذا ماسوينا العمليه بينفج عنده الامعااء من قالي جيه تعبت اكثر .. وسيييد وقعناا ع العمليه .. ودخلوه الساعه 2 وطلعوه 3 ونص والحمدالله نجحت العمليه .. وانااا مواااصله هب رااااقده وشلوه الغرفه .. وعقب كانت عمتيه واميه عندي.. وقبل لا تروح اميه قالتي فلانه اذا تحسين عمرج بتربين مابروح عنج البيت اناا قلتلهاا لا برايج ماافيه الا العافيه .. وروحت اميه البيت واناا غفيت يمكن كااانت السااعه 5 وشي العصر وكنت صاايمه .. والساااعه 6 وشي بداا العواااار .. وكااان نفس الم الدوره وكنت اقدر اتحمله .. ويوم اييني الويع انش ويوم يروح ارقد .. وتم ايني ويورووح لييييين الساعه 9 اناا اتحمله عاااادي الحمدالله والساعه 10 دقيت لميه قلتلهاا تعالي وروحي بيتي واخذي اغراضي واغراض البيبي ..
وخذت اميه نص سااعه يمكن .. والسااعه 11 ونص نزلت الولاده واول ماادشيت كانت فل ماااشاااء الله وغرفة الملاحظه فل بعد .. ويوم شافتني القابله قالتلي اني ولاده سييييده ع غرفة الولاده مااافحصتني بس شافت بطني .. ويوم قااست النفس الله يعزكن لقتهاا مااشاء الله 7 ونص ..وتم الويع يروح ويرد .ز وسألني اذا نزل عليه الماي ولا لا قلتلهن لا ويوم راحن بين يطلعن الماي مااحصلن شي .. والساعه 11:55 طلعت اليازيه فديتهاااا..
حبيت اقوول لكل وحده فالتاسع .. من الدش شهرها وتكمل 10 اياام تشرب حليب وقرفه ومسمار وزيت السمسم وعسل .. (( والتسهيل من الله )) وتخزن فتيلفونهاا الادعيه لانهن وااااااااااااااااااايد زينااااات ..
وتسمع كلام القاابله والدكتوره ..
وعليج بالمشي من ايج الويع ..
ودعواتكن ان الله يحفظلج مبارك وخوه واخته.. والله يقدرني ع تربيتهم ..
الله يحفظهم لج ان شاء الله
والفال لي ولكل وحده تبا تحمل ان شاء الله
مبروك عليج اليازيه..
تتربى فعزكم ان شاء الله ..
وتستاهلين سلامت ولدج ..
اللهم امييييين ..
والله يرزق كل محرووومه يااااااااااااااارب..
الله يحفظهم لج ان شاء الله