الله ياخذ بحقي بمستشفى الوصل والله يغربل كل حد منهن؟؟ 2024.

هلا خواتي ..
والله ما انعرف وين انروح عياده خاصه ولا حكوميه الله يكون في العون وحسبي الله ونعم الوكيل في كل منهم وخاصه مستشفى الوصل الله يغربلهم شرات ما غربلوني..
انا حملت في شهر 6 ولحمدلله كنت فرحانه وكنت اراجع عند اوراس وفي الوصل والكل يطمني كل شي تمام كل شي تمام وعقب يلست اسال ليش اجهضت قبل وقالت لي اوراس يمكن التهاب او عنق الرحم ووصلت الشهر الرابع وسرت عند اوراس وقالت لازم ربط عسب عندج قصر في عنق الرحم وسرت الوصل وتاكدة وقالو لازم المهم حددو لي موعد ف الوصل وسويت الربط ومشت ايامي لين اخر اول السادس حسيت بالم نفس الم الدوره سرت اشيك في البدايه ماخليتهم يفحصوني من تحت المهم سولي تخطيط قالو مب اكيد فيج طلق لازم نتاكد من تحت وخاصه من خياطة الربط وشيكت وقالت عندج ضغط تحت وااايد والنفس فاتحه 3 سانتي لازم انبط الخياطه ولا بينفجر الرحم عندج وخفت على نفسي وع البيبي لان والله خاطري بياهل وتعبت وانا اركض من عياده لين مستشفى ويت ساعة ان يبطلون الخياطه قلتلهم حطولي بنج بروحي تعبانه قالو ما يعور عادي؟؟
والله اول ما دخلت الاله تبا اتبط وانا بموت من الالو وتخيلو ردت طلعتها وتقول ما تشتغل هاي وانا بموت من التعب والالم وردت دخلت واحس انها تحفر وتحفر وانا اصارخ من التعب وارتجف والله مت وهي بارده وانا احس كانها اطلع مصاريني من تحت؟؟
وعقب تم ريلي يهديني وانا ارتجف المهم خلوني ف الولاده يوم وعقب قالو اذا ما زاد الالم بنخليج عندنا وانشالله اتكملين ع الاقل اسبوعين عسب البيبي..
واسال عن البيبي ويقولون مابيعيش ليش انتي متامله اتشوفينه وانا اصيح ..
وتميت يومين اتخيلو ولا اهتمام ولا شي والدكتوره اتي الظهر وتسال زينه وتروح وماعطوني شي لا مثبت ولا اي شي وفي اليوم الثالث حسيت بالم وعطوني بندول اتخيلوو وع الساعه 10 الصبح ياني نزيف وخفت واقول حق النيرس واتقول انزين صبري بتي الدكتوره ويت الساعه11 محد وامي تحتشر عليهم ويقولون صبري احين بتي ويت 12 وماشي عقب معاناه وتعب يت ولا سوت شي قالت يمكن ولاده تخيلو قالت بشوف كم سانتي فاتحع حصلت 10 قالت ولاده صبري بنوديج الولاده تخيلووو واناااا بمووووووت من القهر والتعب وعقب نص ساعه ودوني وخلوني بس جي في غرفة الولاده واقول وين الدكتوره وين بس حاطين لي نيرس وطالعي وانا انزف والم فضيييييييييع والنيرس اتقول انا ناديت الدكتوره بس بعدها مايت ويت الساعه1 و 2 و 3 وانا ويا النزيف والالم تخيلووو والله حسيت جسمي اتككهرب وريولي نفس الشي وما قدرت حتى اقول اخ متن التعب وع الساعه 3 ونص يت دكتوره تخيلوو ومعاها 5 ويلسن هذيلاك يطالعن بس شو يطالعن ما اعرف والدكتوره يت ويلست اتهزبني واتهزب وريلي مستغرب يطالع وانا ما اعرف شو اقول من التعب كسرت الماي لي وقالت شو تبين الياهل يتم داخل عندج النفس فاتحه 10 مب 1 ولا 3 يالله خلصينا وانا ما اروم واشد واشد وتقولي يالله بسرعه تخيلووو واتقول البيبي صغير شو بعد عادي والله ان ولدي كان عايش لين ما كسرت الماي والنبض فيه واحس يتحرك وتمت اتصرخ وانا اشد واشد والباقيات يالسات يطالعن ويصفقن تخيلووو والله كان خاطري اقوم واصفعهم كلهم واللي انصدمن منه ان اول ماطلع ولدي طلع ميت تخيلو ما اعرف كيف انا وامي مستغربين وشفته مزرق والله صح ان حجمه 450 جرام بس شكله كامل والله وحجمه الحمدلله زين بس ما اعرف كيف نزل ميت وامي عصبت وقالت اكيد الدكتوره تراها تمت اونها اتساعدني واكيد خنقته الله يغربلهااا شرات ما غربلتني وعقبها هلكت ودوووخه وجسمي تعب وخلوني بدون مسكنات ولا مغذي ولا شي لين ثاني يوم خلاص طفرت قلت احين بطلع وقلتلهم جهزو الاوراق تخيلو من 12 لين 2 ونص وهم ع ورقه اون نتريا دكتورتج وانا دكتورتي ما اعرفها ولا في حياتي شفتهااا شو يعني قتلهم خلو تلتعن ما بترياها اون تقول زقرناها بس ما يت تخيلووو وحشرتهم وعقب اون بنسوي موعد عسب انشيك شو السبب وعطوني اخر 12 اون ماحصلنا قتلهم الله يغربلكم وما يردني عندكم والله يصبررني ع ها الشي والله يرحم بنتي وولدي والله ياجرني في مصيبتي وحسبي الله ونعم الوكيل في كل وحده منهم…

لاحول ولاقوة الا بالله

اللهم أجرها في مصيبتها وعوضها خيرا منها

الحمد لله على سلامتك أختي و الله يجعلهم لك شفعاء يوم القيامة ان شاء الله و يعوضك بالأفضل

الله يعينج حبيبتي الله فلبي عورني عليج والله حبوبه انا اشوف ان مستشفى دبي ارحم عن الوصل وايد انا من عيمان و3 ولادات ولدت في دبي والله ان كل مره معاملتهم احسن عن اللي قبلها الله يرزقج بالذريه الصالحه حرام اتحملتي كل هالتعب بس بصراحه ما اهتموا قيج وقصروا بس الله راد جي انا اعرف وحده نفس حالتج وسوت ربط في الثالث والحين الحمدلله ربت ويابت بنوته وعمرها الحين 3 شهور في مستشفى ام القيوين
الله يعوض عليييييييييج حبيبتي