بصراحة متضاايجة وايد من الدوام ..احس عمري وحييييييدة 
صدق بصييييييييييح الوضع لا يطاق …!!!!
وين بحصل الرفقة الصالحة …!!! اوكيه مب ضروري الرفقة الصالحة عالاقل بنية اتكون وياي وقت البريكات …شو هااا تقريبا نص البنات ويا الشباب …وحتى اللي كانت وياي قامت تستخف وما تعطيني سالفة ..وكله ويا شباب .!! وجنه السوالف ما تحلو الا معاهم
يوم عن يوم احس عمري وحيدة كل ما اكون ويا وحدة اشوفها تغيرت !!!
وفي بنات اوكيه بس يوم ايي ارمسهم شوي ولا اشوفهم مسويلي طاااآف ولا كأني موجودة …يتحروني متعقدة لاني ما ارمس الشباب وهم فري .!!!
بصراحة حرام اللي قاعد يصير دوم ارد البيت وانا متضايجة
المشكلة ان دوامنا لازم الشباب وبنات يكوونون ويا بعض ..بس بالمنطق ليش وقت البريكات البنات ما يكونون ويا بنات ..ليش بالذات ويا الشباب
انا من النوع اللي وايد يستحي يكلم الشباب …ارد على قد السؤال واسكت ..اشارك في القروب ..بس انا موول مووول مووول مب متعودة اتكلم ويا اي حد من الشباب ..وحتى لو تكلمت ويهي بيقفط احس غلط !!!
ادعولي والله اتم على نفس ما انا ..احس بيئة الشغل اللي انا فيه وايد بتأثر فيني وانا ما ابا هالشي يستوي …بس والله اتضايج من حال البنات واتضايج اني دوم هادية ولا يخصني في حد مع انه شخصيتي غيييير عن جي ..شو اسوي انصحووني خبروني هل اللي اسويه صح ولا غلط ..!! قمت اشك والله من كثر ما اشوف الفري في الدوام (( وكاني انا الغلط
حبيت افضفض من الضيجة واسمحولي اذا الكلام ما كان مرتب
بس خلج على مانتي عليه وربج بيفرجها ان شاء الله
انا مريت بنفس المرحله وما حسيت باني متخلفه لانه يوم اييون الشباب يلسون ويا شلة ابنات الي انا قاعده وياهم.. علطول انا بنفسي اقوم من عندهم واروح المصلى واتم هناك بروحي صدق احس بملل بس انشغل باي شي.. اتصل في اهلي والا ربعي.. وان حسيت ان الكل منشغل اروح المكتب وادش المنتديات والا المواقع التعليميه اسلي نفسي..
حاولي تدورين مكان ثاني ما فيه اختلاط أو مافيه اختلاط واااايد .. مثل جامعات البنات مثلاً ..
والله يعينج يا رب ..
ربيعاتج هن اللي قاعدات يعصن ربهن ولا اشلهن فالرياييل بصراحه عند العرب عيب ومنقود
خلج واثقه من نفسج وانه ربج راضي عليج ومب لازم حد يكلمج وقت لبريكات اذا هن ما يبن يرمسون وياج
نصيحه مني وقت فراغج او وقت لبريك امسكي القران فايدج وايلسي اقري احسن لج من الهذربه اللي ما منها فايده
صدقيني انتي اللي بتكبرين فعيون الناس اللي فالدوام بيعرفون انج بنت ناس واصل وما تحبين هالحركات
بصراحه فنظري انا عيب الوحده تختلط ويا الشباب وتقعد اتبط سوالف وياهم ليش نحن وين عايشين !!!!!!!
العكس لازم اتردين البيت وانتي مستانسه لانج ما عصيتي الله سبحانه وتعالى وحطي فبالج انج بتردين البيت عند اهلج واخواتج واخوانج وسولفي وياهم وفضفضي اللي فقلبج
والسموحه منج الغاليه
خلج واثقه من نفسج
وماعليج من حد