السلام عليكم ورحمة الله وبركاته
الله يرضى عنكم أنا توني منتقلة لأبوظبي وما أعرف الأماكن زين
وسألت عن المحلات اللي تبيع أجهزة اتصالات وقالوا لي تلاقينها على شارع الدفاع
تكفون دلوني على هالشارع من عند المارينا مول والا أبو ظبي مول والا مركز مدينة زايد أو عطوني اسم مكان مشهور قريب منه
وربي يسعدكم ويبلغنا واياكم رمضان ويعيننا على صيامه وقيامه على الوجه اللي يرضيه عنا
هوبالشارع الي بعد محطة الباصات (بعد محل اسواق الامارات )
سيري شارع المطار – بتحصلين اسواق الامارات -بعده محطة الباصات – و بتحصلين جامعة زايد على ايدج اليمين انتي خليج على الخط و امشي سيدا..
هلا..
بتلاقينه صوب الوحده مول لااتلفين لفة الوحده مول خلج سيده عنه وبتلاقيج اشاره ومن عقب الاشاره علي اليمين وعلي اليسار بتلاقين محلات وايده فيها كل شي اخص التلفون وهذا هو شارع الدفاع واتمني انج فهمتي عليه..
هذا المكان اللي باللون الاصفر
^^
الغالية تعرفين الوحدة مول 
خلي الوحدة مول على يمينج وسيري سيدة
بتحصلين غشارة
كملي سيدة
هداك هو شارع الدفاع ^^
بعد الوحده مول باشارة شارع الدفاااع
اة اسالي تاكسي وبيدليج
ربي يرشى عليكم ويسعدكم دنيا وآخرة
شرحكم واضح ماشاء الله تيارك الله