صدمتني ربيعتي
والله ماعندي حد الجأ له البارحه طلبت من ربيعتي لين يطلع راتبنا تعطيني مبلغ تافه تتوقعون شو سوت قالت اوكي عقب اتصلت ضحكت وسكرت الخط عقب غلقت التلفون تميت اتصل مغلق عقب شغلته واتصل عليها ماترد ف اتصلت من رقم غريب عسب ما اظلمها بالظن ردت!!!
مع انها هي اللي تقولي اي شي تحتاجينه نحن خوات بس يوم احتاجها اتسويلي هالحركه
وحرمت الجأ لها مره ثانيه … ليش جي الناس نزين انا اقول يمكن ماعندها بس هذي المره الالف اللي تقولي اطلبي اطلبي انا عندي وما ينقصني شي عقب اتسوي جيه
حبيت افضفض هني ماعرف ارمس منوتعبت اقدم اوراقي ومحد يقبلني ، مع انه انا محتاجه الوظيفه جد
والله حالنا صار زفت لا اكل مثل الناس ولاشي
لدرجة انه البارحه لاغدا ولاعشا ولاحتى ريوق ، نحن ناخذ من الشونه بس معاش الشونه قليل وينصرف على الدكان او الكهربا او بعض الامور الثانيه
والله ماتتصورون كيف اني حتى يوم ابا اقدم في مكان ماعندي بيزات للتكسي عشان اروح المكان اللي اباه مرات اقوول ياليت ابوي يعيش كان الحال تغير عن هاجه
وخواني الصغار يداومون المدرسه بدون ولا درهم ولا شي وكل يوم واحد دايخ في المدرسه وحتى عسب نسير نيبه ما نعرف كيف
والله الدنيا صارت وايد صعبه
صادفت شخص تم يساعدنا في البدايه بدون مقابل بعدين اكتشفت انه هالشخص يبا تنازلات مني عسب ايغرقني فلوس وهو رجل اعمال بس انا انسانه اول شي خايفه ربي ثاني شي ما ارخص بعمري لانه يمكن يكون مريض
وشخص ثاني كان يساعدنا وطلب نفس الشي من امي ومني بس طنشناه وقطع المساعده اللي كان مسونها حقنا
كل يوم اموت يوم اشووف امي تدعي في قيام الليل وتصيح .. على حالنا
الله يعين
طبعا انا عضوه جديمه و مغيره النك
عندي لج موقع بطرشه لج ع الخاص للوظايف وانا اعرف ناس قدمو عليه وردوا عليهم ع طول
بس لاترخصين بعمرج
الله بيفرجها عليكم حبيبتي
الصبر مفتاح الفرج فديتج
بتواصل معاج ع الخااااص .. 
و لا تيأسين من رحمه الله ..
ويبعـد عندج عيـال الحرام والاستغـلاليـن !!
و الله يرزقكم مـن حـلاله
ولا ترخصي بعمرج عندها سويلها اكبر طاف