انا توني مربيه كملت ثلاث اسابيع الحمدالله ^_^
طبعا مثل غيري من الحريم مابا احمل لفترة معينة لاني اداوم وبعد عشان جسمي يرتاح
استشرت الدكتورة عايدة في راك وقالتلي انه احسن حل هو اللولب
فحبيت استفسر من المجربات
اللي عرفته انه شي نوعين من اللولب العادي والهرموني .. فشو تنصحوني؟
هل اللولب يعور يوم يركبونه وكيف طريقه تركيبه؟
هل ينحس فيه اثناء الجماع؟ يعني يسبب الم ولا اي شي من هالقبيل؟
هل تعتمدون كل الاعتماد على اللولب ولا تمنعون بعد بطريقه ثانيه مثل المنع الطبيعي او الواقي لانه اللولب له نسبة حمل اظن 2%؟
اللي عندها اي معلومه ممكن تفيدنه بعد ^_^
اولا مايعور بس الحديده اللي يفتحون فيها الرحم تعور شوي
ولازم دكتورتج تحددلج نوع اللولب
وخلاص اللولب يمنع كفايه مايحتاج مانع معاه
والدكتوره الشاطره تحط اللولب وتقصر الخيط بطريقه مايحس فيها الزوج وقت الجماع
حبيبتي انا انصحج بالعادي لاني ركبت العادي والحمد لله مرتاحة منه و الهرموني واااااااااايد يخربط جسمج من هرمونات و متن و بلاوي ثانية
هل اللولب يعور يوم يركبونه وكيف طريقه تركيبه؟
لا حبيبتي بس شوي يوم يدخلون الحديدة اللي يركبون اللولب فيها
هل ينحس فيه اثناء الجماع؟ يعني يسبب الم ولا اي شي من هالقبيل؟
لا والله موووووووول ماتحسين فيه لا انتي ولا ريلج
حتى انا يوم سرت ركبت اللولب و ماقلت لريلي و قلت في خاطري بشوف اذا بيحس فيه ولا لا
مووووووووووول ماحس و عقب كم مرة سالته قال لي لا مايحس بشي
هل تعتمدون كل الاعتماد على اللولب ولا تمنعون بعد بطريقه ثانيه مثل المنع الطبيعي او الواقي لانه اللولب له نسبة حمل اظن 2%؟
لا حبيبتي مافي اي مانع ثاني مع اللولب
اللي عندها اي معلومه ممكن تفيدنه بعد ^_^
بس حبيبتي دايما شيكي عليه عشاان تضمنين ان يفيدج و ماتحملين عليه