الليلة هاي كلكم تعرفونها وحد منكم جربها والباقين حابين انهم يجربونها والبعض الاخر يستفسر
كيف يسويها وشو المطلوب والمستلزمات .. فأنا حابة اساعد اللي ما جربها واظن اني بجربها وياكم ..
الليلة الحمراء
المطلوب في هاي الليلة .. كل شي يكون احمر من البداية للنهاية .. يعني الغرفة تجلبينها فوق وتحت
بداية بالسرير
أختاري لج لحاف للسرير ولو يكون مخمل يطلع احلى
غيري إضاءات الغرفة للون الاحمر
وطبعا لما تولعين الليتات بيطلع الجو روعة ورمانسي بهالطريقة
طبعا بتنثرين الورد الاحمر في كل مكان وخاصة على السرير واذا بتسوين هاي الحركة لازم تستغنين عن اللحاف الاحمر وتبدلينه بالابيض عشان يبرز جمال الورد وهو منثر على السرير بهالطريقة
أو هاي الطريقة
طبعا الشموع الحمرا في كل مكان وعلى كل طاولة وبعض الشموع تكون فواحة اللي تطلع روائح حلوة
هذه النوعية المحفرة تطلع الاضاءات روووووعة
او القلوب والورد
تقدرين توزعين على الطاولات او طاولة السرير بعض الفريمات اللي فيها صور غالية على قلوبكم مثل صور العرس او الخطوبة او حتى صور سفركم لشهر العسل طبعا الفريمات حمر وقلوب وورد
وطبعا على جنب على الطاولة بتحظرين عصير الفراولة او الرمان والورد بجنبه
او الدباديب الحمر بعد بيطلعن حلوات
ولا تنيسن المخدات القلوب تنباع في كل مكان بعد حطي منها على السرير او على الكراسي
وألحين دور الهدية اللي بتقدمينها لزوجج طبعا بتغلفينها بالاحمر مع شوية حركات
وألحين يا الدور عليج انتي يا نجمة الحفلة .. اللي بتولعين بكبرج باللون الاحمر والبداية في اللبس
ولو يكون شي يديد او مرة تلبسينه او اول مره يشوفه عليج يكون احسن بوايد
[IMG]
https://www.ladiespetiteclothing.co.uk/web_images/redbabydoll2.jpg[/IMG]
او يكون تقريبا اللبس مثل الفستان بس الفساتين المغرية اقصد اللي تكون بهالطريقة
وطبعا شعرج بيكون يا استشوار يا رولات ولا تنسين تحطين فيه الوردة الحمراء
وبدون كلام طبعا الروج الاحمر الصارخ مع حركات الدلع بالمصاص الحلاوة
المانكير الاحمر لليد والرجل عشان يزيد الدلع
وكملي الدلع بالخلخال اللي يطلع صوت
او كعب احمر بالربطات الحمراء
اذا كنتي لابسه قصير حلو لو تحطين شريطة الاغراء
وانشالله تطلع ليلتج من احلى الليالي اللي ما بتنسونها ..
مع تمنياتي لحياة زوجية رومانسية للجميع ..
طالبتنكم طلبه لا تردوني ؟؟
بليز كل اللي يدش على هالموضوع يعلق عليه واللي عندها اضافات تخبرنا على اساس نستفيد من بعض .. لا تبخلون علينا بالردود لان عيني طلعت وانا يالسة على هالموضوع اكثر من 5 ساعات ..
شوق وبس
يعطيج العافيه والله افكار خطيره ^_^ يسلمو حبيبتي
هاذي هي بالونات الغاز اللي اقصدها
رووووووووووووووعه
يستاهل بو الشباب فديته مثل هالليلة
نسختها عندي على السي دي ويوغايته بتفنن على كيفي هههههههههههههه
تسلمين أختي أبدعتي
و الله يواريج العافيه انشالله
وومكن اتشرفينا في هذا الرابط
https://www.uaewomen.net/showthread.php?t=28762
علشان الافكار ويثبت عقب ان شاء يكووون مرجع الهم