اللي اتشوف ريلها ف الويكند فقط ،،،بليز دشي 2024.

مرحبــــــــــــــــــــــــــــــــأ خواتي الحلوات

اشحالكم ؟
بس بغيت اسال انا منكم وحبيت اشوف تجاربكم واستفيد ونفيد اللي معانا

اذا انتي مثلي وريلج بس ينزل ف الويكند

كيف تقظين الوكيند ؟؟
هل بطول الويكند اتكونون متجابلين 24 ساعة والاكيف؟
يعني كيف اتقسمون وقتكم

متى تيلسون مع بعظ ؟
وقتكم مع اهلج ؟
وقتكم مع اهله؟
وقته مع ربعه ؟
وقتكم للسوق؟
وقتكم للاطقال؟
وقتكم للتمشي وتغير الجو ؟

هل محطين مخطط او جدول لكم كل ويكند ؟
والا على عسب الظروف ؟

خلينا نستفيد من تجارب بعظ
كل وحده منا تدخل واتقول كيف اتقسم هاليومين
حليلنا يمكن بعد يوم ونص
يعني يدون ينزلون العصر يوم الخميس ويروحون السبت العصر واللي يرروح بليل

هلا حبيبتي انا نفس حالتج وكااارها عمري مليت ااحس انه بعيد عني
انا عايشه مع اهله واهلي حذالي واطلع مره السوق او السنما ترفيه معاه والباقي عادي قاعده مع اهلي واهله والدنيا ماشيه والحمدلله بس بعدني ما رزقني الله بعيال والحمدلله على كل حال

هلا اختي ^_^…انا ريلي ينزل فالويكند حليله…نحن ماعندنا نظام واحد كل ويكند يتغير…مثلاً نطلع مع بعض او مانطلع موليه..اسير عند اهلي وهو يقضي اشغاله واحيانا يشوف ربعه..وجذيه نظامنا مب واحد واحلى جذيه بدل الروتين..

الله يعينكم

الله يسهل اوقاتكم ويجمع قلوبكم على خير

معاناتي مثل معاناتكم
الله يصبرنا..حلو انه الريال يكون متواجد ببيته 24 ساعه
بس شو نسوي..هذي ظروف شغلهم
انا ساكنه فبيت اهله..وما افكر اطلع عنهم دام شغل ريلي فاماره ثانية
الخميس نقضيه مع الاهل..واحيانا اروح بيت اهلي وهو يقعد مع اهله او يطلع مع ربعه
الجمعة نطلع نتمشى ..نروح السوق او السينما او مول منها تسوق ومنها العيال يلعبون
السبت الصبح نطلع بعد
والمسى يروح
بس لا تخلين لكم روتين
احيانا اذا صادف في اجازة بالاحد او الخميس
نخطط لطلعه ونبات في دبي

وعايشين و الحمدالله

الحمد الله ريلي دائما معاي
ان شاء الله على طول