اللي بتسافر تخبرنا من وين حجزت وكم البكج 2024.

بنات بليز ابغي مساعده كل وحده بتسافر ها الصيف وحالتها مثلي اقصد متزوجه وعندها ولد واحد او حتى لو ما عندها عيال يعني بتسافر ويا ريلها تخبرنا وين المكان واي سفريات اختارت وكم يوم وكم طلع عليهم علشان احجز نفس المكان ما فيني ادور واتعب نفسي لانه ريلي وايد بارد ما يسوي الشي الا اذا انا رتبت له .. ومشكورين

أحنا حجزنا عند حور للسفر والسياحة بعجمان أسبوعين لماليزيا إن شاء الله وتقريبا طلبوا من ريلي 14000 في مقدم والباقي أقساط تقدرين تتصلين عليهم وتستفسرين عن كل شيئ

نحنا بنسافر الى استراليا انصحج فيها وااايد بتستانسين فيها ان شاء الله

والاسعار بصراحة ما اعرف

احنا من العين حجزنا على بروكسل 12 يوم بفندق الراديسون ساس مع تذكرة طيران الاتحاد 2 +2اطفال 6و12 سنة يوم 27-7 ب18الف

الغالية

اول شي اختاري الطيارة وافتحي موقعهم واحسبي انتوا كم واحد وكم بيستوي
وبعد ماخترتي الوجهة افتحي اي موقع لحجوزات الفندق وشوفي كم ليلة وبتعرفين الاسعار طبعا مع عدد الغرف
ثالث شي احسبي مصروف الاكل+المواصلات+الهدايا (ع حسب البلاد اللي بسيرينها)

والمجموووووع هو الباكيج اللي ع قدكم

انا حااجزة 12 يووووم الى ماليزيا وبانكوووك

ماليزيا ( فندق صن واي لاقوون ) + فندق ( نسيت اسمه 4 نجووم )
وفي بانكون فندق اماري بوليفاااارد

وكلفنا حق كل الباكج للشخص الواحد 4500 درهم فقط

شامل التذكرة والفطور والفنادق والمواصلات من المطار الى الفندق والعكس
وشامل رحلة سياحية يوم واحد لكل فندق

وحياكم الله

هلا اختي ..
انا عندي بنوته وحده ..
حجزنا لماليزيا عند الريس للسفريات ,, 10 ايام .. على الطيران الماليزي ..
5 ايام ف فندق شنغريلا و 5 ايام الاخيره ف فندق بارك رويال ,, كلهم خمس نجوم ..
كلفتنا السفره 10 وشوي ,, بس اعتقد بيرسينا ع الـ 10 الاف بس ..
طبعا شامله التذكرة و الفنادق والفطور والمواصلات ..

ان شاء الله افدتج ,, والصراحه الريس للسفريات تعاملهم حلو ,, هالمره الثانيه اللي نروح وياهم ..