قريت وااايد عن بنات استخدموا هالطريقة عشان يطلعون الشعر المحبوس تحت الجلد ..
طبعا قبل لا الجأ لهالطريقة استنفذت كل الوسائل .. فراااك و فركت .. كريمات و حطيت
حلاوة و سويت .. قلت خلني اجرب الحصا ..
ما لقيت عندي حصا بس كان عندي المبرد العود اللي ينعم الريل اكيد تعرفونه ..
هذي صورته
انا قلت هذا انعم عن الحصاه ..فركت فيه ريولي مكان الشعر المحبوس صرااااحه انذهلت بالنتيجة!!
كنت اسويه بحركات دائرية و اشوف جدامي الشعر يطلع من تحت الجلد و البشرة استوت
بدون نقط !! استاااااانست واااااااايد و قلت خلاص انتهت المشكلة العويصة .. و بسوي هالحركة
دوووم قبل الحلاوة ..
بس يا فرحة ما تمت 
بعد نص ساعة تقريبا البشرة عندي التهبت اشوي .. يعني حررررررررقة نفس الجلد يوم ينسلخ
اشوي عرفتوا كيف و في اماكن استوا فيها نفس نقوط الدم و بعد يوم استوت بنية نفس الجرح
اليابس …
استغربت قلت عيل البنات ما قالوا انه الجلد يلتهب و لا حد اشتكى !! مع اني متأكدة اني
ما فركت بقوة ..
شو اسوي احينه؟؟ الطريقة وايد عيبتني بس اخاف اسويها مرة ثانية بسبب الحرقة اللي صادتني..
اللي عندها علم يا ليت تخبرنا ..
و السموحة طولت عليكن .. بس ماريد اودر الطريقة لأنها الوحيدة اللي يابت نتيجة و في نفس
الوقت ابا حل للالتهاب كيف اتجنبه؟؟
بنت زايد .. و الله فديتج من المعاناة .. خاصة يوم تشوفين هالتلفزيون و الممثلات اشقايل ريولهن تلق و صافية خخخخخخ اللهم لا حسد .. و شفت بنات وايد يرمسون عن هالطريقة قلت اجرب ..
أنا أقول الليمون ويا الملح مع الليفة المغربية أوكي..
المشاركة الأصلية كتبت بواسطة فديت اماراتي 
أنا أقول الليمون ويا الملح مع الليفة المغربية أوكي..
.. مادري و الله الغالية شو اقولج مافي شي خلى الشعرة تظهر من تحت اليلد غير
هالمبرد خخخخخ .. ان جربت قبل اخلط زيت زيتون و ملح و اسوي نفس السكراب
بس ماشي فايدة .. ينظف و ينعم بس ما تطلع الشعرة المحبوسه ..