اللي تستخدم المخلطات ودهن العود ممكن 2024.

هلا خواااااااااتي عندي سؤال لاني وايد تعبت كل ما ابخر وادخن الشيلة العباة ارش عليها مخلط او دهن العود تبقع في العباة ولا يطير ابدا مثل البقع يتم عليهم شو الحل لاني ارش بالمرود مال الغرشة كيف اتعطرون عباياتكم بدون ما يبقع المخلط ودهن العود عليها ممكن تساعدوني

معقوله محد يتعطر ولا يدخن ؟؟

هلا الغاليه شو في تبين اكون ريحتج مثل العروووووووووس وعلى طول ..
صراحه انا من عرست الحين 5 سنوات بس كلهم ايقولوي مشاء الله عليج ريحتج موووووول ما تغير من يوم نتي عرووووووووووووووووووووس

اتعرفين شو اسوي ايب المدخنه واحط العباه والشيله … وادخنها في نفس الوقت ايب الزيوت الي متعود عليهن مووووووول ما اغيرهن .. واحطهن في ايدي وافركها على الشيله والعباااااااااااااااااه … واذا كنت مستعيله استخدم البارفيوم ورشيه من بعيد … انشاء الله اتكونين استفتي

تسلمين على الطريقة الحلوه انا اسوي مثلج لكن مشكلتي ما افرك الزيوت في ايدي والحين عرفت

بالنسبة للعباة والشيلة … أكتفي بأني أبخرهن وأرشهن بعطر فرنسي أما دهن العود والمخلطات أحطهن ورا الأذن ورا الرقبة وعند الخشم وبس … ومع المخمرية في الشعر تكون ريحتج مثل ما تتمنين … اللي اعرفه ان دهن العود والمخلطات ما ينحطن مباشرة ع الشيل والعبي ..لأنهن يبقعن

صح كلامج مشكورة الغالية على المرور

بقوولج عن طريقتي ^^

أول شي أرش العباه والشيله شويه ماي بس ما تخرسين العباه يعني رش خفيف بأطراف أصابعج ^^
بعدين تييبين المدخن وحطيه تحت العباه وبخريها وبعدين أحط الدهن العود والعطور الزيتيه ^^ وتكون الريحه حلووه ومن بعدها أحط العطور الفرنسية ..
بخبرج طريقه أسويها يوم أحط الدخون ع الفحم ما احط الدخون والفحم حار أترياه لين ما يبرد شوي يعني لين ما تستوي طبقة رماد خفيفه عليه شوي لان يوم يكون حار يحترق الدخون بسرعه ^^

بالتوفيج