شحااالكم ؟.؟
ان شاء الله تمام…
ابا اسالكم ذقتو حلوى الشيوخ من محل (هيل وزعفران)
ابااا طريقه حلوى الشيوخ
ومشكووورين
(1)
1/ سمبوسه سويتز
علبه جبن كيري ( للحشو)
3/ ملاعق دقيق ويخلط معه مويه ( عجينه تقفيل السمبوسه)
(2)
3/ ملاعق قرفه مطحونه
4/ ملاعق سكر مطحون
2/ ملعقه كاكاو بودره
1/ ملعقه صغيره نسكافيه
(3)
1/ علبه حليب نستله
3/ حبات جبن كيري
(4)
شوكلاته هيرشي << للزينه فقط لا غير
وقليل من النسكافييييه << بعد للزينه فقط لا غير
الطريقه :
شفتوا اللي مكتوب عليه رقم واحد
جيبوا سمبوسه وحده واقسموها نصين بالعرض
وادهنوها بقطعه صغيره كيري لا تكثرين من الكيري ترى مايصير حلو وبعدين اصفطوا بدايتها صفطه صغيره وحطوا فوق
الصفطه شوي من عجينه الدقيق
عشان تمسكها ما تنفتح وبعيد اصفطوا الباقي عليها
بعد ما تخلصين عزيزتي من لف السمبوسه سيتكسر ظهرك وستقعدين ساعه قد تحتاجين من يهمز ظهرك
بعد التهميز انقزي اقلي السمبوسه انتبهي لا تحرقينها خليها شقرااا
بعدين امسكي الخلطه رقم ثنين في زبديه
واخلطيها مع بعض وتوصي بالخلط
بعدين جيبي السمبوسات وغططيها في هالخلطه
بعدين تصبح كذا قبل وبعد الخلطه
بعدين هاتوا الصينيه اللي تنفتح مع تحت وصفوا السمبوسات
بعدين صفي الباقي بالصينيه
وبعدين كملي صف اللي بالوسط للاخر
وبعد ما تصفينها كلها
اللحين وصلنا لرقم ثلاثه
حطي النستله و الكيري في الخلاط
بعدين صبيها فوق السمبوسات اللي صفيتيها في الصينيه
بعدين حطيها في الفرن ولا تخلينا تطول بس تتماسك
الفرن شبيه بس من فوق
بعد ما تطلع من الفرن حطيها في الفريزر ربع ساعه ولا تخلين المسكينه تموت من البرد بالفريزر
بعدين خططي عليها بالهيرشي ورشي القليل من النسكافيه
ولا تنسين تشيلين الحديده حقت الصينيه
كوب ونص حليب بودره
كوب طحين
كوب نشا
كوب ونص شكر
كوب ونص زيت
و10 اكواب ماء
وملعقه هيل وزعفران وشوي ماي ورد ممكن فنياال
الطريقه
نخلط الطحين والحليب البودره والنشا والزيت كله ويا بعض وانخليه فالجدر ونحركه
ونخلط الماء والشكر والماي الورد والهيل والزعفران وانخليه على جنب (ذوبي الشكر يعني )
ناخذ الجدر اللي فيه الطحين والنشا والحليب فوق الجوله وانحاول انحمره يعني يكون شوي لونه بني وممكن اتخلينه يحمر زياده لو بغيتي المهم يوصل للون الطبيعي للعصيده ^_^
وبعد مانحمره انظيف الماء اللي خلطنا فيه الشكر والماي الورد والهيل والزعفران وانحرك لين مايختلط كله وانخليه ليييين مايغلظ بروحه
المشاركة الأصلية كتبت بواسطة ~{ شهد 
شحااالكم ؟.؟
ان شاء الله تمام…
ابا اسالكم ذقتو حلوى الشيوخ من محل (هيل وزعفران)
ابااا طريقه حلوى الشيوخ
ومشكووورين
أحلى سوييييت عندي من هالمحل حلوى الشيوخ ،، وحاااولت كذا مره أسوي الطريقة بس للأسف ما وصلت للطعم ^^
وأذكر إني دورت في مدونة كويتيه لأنه أصل هالحلوى من الكويت .
وللي تعرف طريقه ثانيه تخبرنا