اشحااالكن حريم ؟؟
عندي شوية استفسارات عن الولاده القيصريه و طريقة العنايه فيها … بالنسبه للحريم اللي ربن بالعمليه .. كيف اعتنن بالخياطه ؟؟ طبعا المفروض المكان يكون جاف و نظيف صح ؟؟
انزين يصير ان الخياطه تلتحم و ترد تتبطل ؟؟ >> صار هالشي .. و ليش يرد يتبطل ؟؟
و اذا شليت شي ثجيل مره او مرتين .. هل بيأثر هالشي في العمليه او لا ؟
كم يبالي لين ارد عاادي و اتحرك على طبيعتي ؟؟
ملاحظه :
انا وايد اشد على عمري يعني اقعد عادي و احاول قد ما اقدر اني اتحرك طبيعي و حتى يوم انام احاول ارقد على جنب لأن ظهري يعورني و بالمره امرن عمري .. يعني مب اتم طايحه على ظهري ..
بليز ردووا علي .. انا واااايد احاتي .. قولوا لي تجاربكن مع العمليه .. و انصحوووني
هيه صح نسيت اذكر اني مربيه من 10 أياااااااااااااااااااااااااام بس
كيف اعتنن بالخياطه ؟؟ طبعا المفروض المكان يكون جاف و نظيف صح
في أول الأيام لازم الجراحه تتهوا ولا تخليها تترطب ستلقي ع ظهرج عسب يرتفع البطن عنها وتتعرض لهوا بعدين بتحسين ان المكان بدا ييبس . وبعد الشور جففي بكلينكس . وأنا مرات أستخدم مسح طبيه مال سرة الياهل
انزين يصير ان الخياطه تلتحم و ترد تتبطل ؟؟ >> صار هالشي .. و ليش يرد يتبطل ؟؟
ما تتبطل إلا إذا ألتهب المكان و قمتي ما داري وتشيلي ثقل طبعا في أول الأيام . أنا بعد أسبوع وشوي عادى أشل الأشياء بس مب ذاك الثقل
اذا شليت شي ثجيل مره او مرتين .. هل بيأثر هالشي في العمليه او لا ؟
ما أنصحج أنج تشيلى ثجل أهم شي صحتج .
كم يبالي لين ارد عاادي و اتحرك على طبيعتي
المفروض بعد 10 أيام أنج تتحركي بالعكس الحركه تخلي اليرح يلتأم ويحرك الدورة الدمويه يعني مو كله على السرسر تمشي في البيت
الرقاد ع الينب أحسن لج بعدين بترتاحي لان رقاد ع الظهر يتعب
ورقدي عادي ع يبنبج
وجففي المنطقه بعد الاستحماام
ومشي
لاتعبين عمرج فتنظيف البيت
والف مبروووووووووووك ما يااااج..
بالنسبه لعمليه انا كنت والده من 3 شهور وكنت انظف الخياطه بالمعقم..ايج نفس القطع المربعه الصغيره..في اكياس تحصلينا في الصيدليه..وانا احيانا يوم اخلص من الحمام انشفهااا بكلينكس وعقب اشغل الاستشوااار واحفف المنطقه عدل..
ويصير احيانا تلتهب الخياطه وتفتح على طرف شوي ..بس الاستمرار ع النظافه وجفاف المنطقه يبريه..
ونصـــــــــــــــــيحه مني غناتي لا تشلين اشياااء ثجيله ابدااا..يعني تحملي على عمرج..يعني اشياء عاديه ووزنهاا مب وااايد ثجيل..
وعادي حبيبتي احسن شئ يوم ترقدين على جنبج..والمشي هو اللي بيساعدج على التحسن بسرعه…
والله يعجل بشفاااااج الصرااااحه تعب العمليه ما احبه لاني واايد اتقيد بحركي..وانا بطبعي خوااااااااااااافه
يبالج 14 الين 20 يوم وبتحسين بعمرج طبيعيه 100%
ومره ثانيه الحمد الله على سلامتج..
بالبداية لازم اديرين بالج ع عمرج و العملية لازم عقب ما تسبحين عقميهاا و جفففيهاا انا بصراحة خفت يلحقها ماي بالغلط فكنت لما اعقمها الزقهاا كل يووم لين موعدي عند الدكتورة
و ثاني شي ابد ابد ابد و اتحملي اتشلين شي ثجييييييييييييييييييييييل لاناا بتتبطل
ممممم حاولي ما تقعدين تحت يعني ع كرسي و لا تنحني وايد
بهاي الفترة اتحركي شوي بس لا تضغطين ع عمرج
انا تميت اسبوعين و رجعت طبيعي بس الدكتوورة قالتلي ما اشل اي شي ثجيل او اضغط ع عمري لين اكمل ست شهووووور
ربي يوفقج